Day: July 12, 2021

වසරකට වැඩි කාලයකින් පසු සිඩ්නි නගරයෙන් එක් දිනයකදී වාර්තා වූ කොවිඩ් ආසාධිතයන් ගණන 100 ඉක්මවා ගොස් තිබේ. ඊයේ දිනයේදී සිඩ්නි නගරයෙන් කොවිඩ් ආසාධිතයන් 112 දෙනෙකු හමුවී ඇතැයි ප්‍රාන්ත අගමැතිනී Gladys Berejiklian පැවසුවාය. මින් බහුතරය පෙර ආසාධිතයන්ගේ ආශ්‍රිතයන් බව සඳහන්. ගතවූ පැය 24 තුළදී නිවු සවුත් වේල්ස් ප්‍රාන්තයේ කොවිඩ් පරීක්ෂණ 46,000 කට වැඩි සංඛ්‍යාවක් සිදුකර තිබුණි.   Pic – Straits Times

කොවිඩ්19 ආසාධනය වී සිටි සිඩ්නි නාගරිකයෙකු වෛරසය තිබියදී වික්ටෝරියා සහ දකුණු ඔස්ටේ්‍රලියා ප්‍රාන්තවල සැරිසරා ඇතැයි අනාවරණ වී තිබේ. වික්ටෝරියා ප්‍රාන්ත සෞඛ්‍ය අමාත්‍ය Martin Foley පැවසුවේ ජූලි 08 – 09 යන දින දෙකේදී මෙම පුද්ගලයා එම ප්‍රාන්ත දෙකෙහි සිට ඇති බවයි. ඔහු වික්ටෝරියා ප්‍රාන්තයේ ගමන් කල ස්ථාන සහ වේලාවන් කවරේදැයි සොයා මේ වනවිට පුලුල් විමර්ශන ආරම්භ කර තිබෙනවා. කෙසේවෙතත් මොහු සැළකෙන්නේ නිවු සවුත් වේල්ස් ප්‍රාන්තයේ කොවිඩ් ආසාධිත ලැයිස්තුවටයි. ගතවූ පැය 24 තුළදී වික්ටෝරියා සහ ක්වීන්ස්ලන්ඩ් ප්‍රාන්තවලින් කිසිදු

මෙල්බර්න් Upwey හි Kumbada Avenue හිදී දුම්රියේ ගැටීමෙන් මාස 03 ක් වයසැති බිළිඳෙකු මියගොස් තිබේ. දරුවාගේ මවද බරපතල තුවාල ලබා ඇති බව පොලිසිය කියයි. මව මේ වනවිට Royal Melbourne රෝහලේ ප්‍රතිකාර ලබමින් සිටී. ඇයට දරුණු තුවාල කිහිපයක් සිදුවී ඇති අතර මෙය සිය දිවි නසා ගැනීමට තැත් කිරීමක්ද යන්න සම්බන්ධයෙන් ද විමර්ශන ආරම්භ කොට තිබේ.   Pic – 9News  

බටහිර ඔස්ටේ‍රලියාවේ පර්ත් සහ පීල් නගරවල පණවා තිබූ අවසන් Lockdown සීමාද ඉවත් කර තිබේ. මේ අනුව මුහුණු ආවරණ පැළඳීම අනිවාර්ය නොවන අතර රැස්විය හැකි උපරිම පුද්ගල සංඛ්‍යා සීමාද ඉවත් කර තිබේ. නර්තන ඉසව් ඇතුලු විනෝදාස්වාද අවස්ථාද පැවැත්වීමට අද සිට අවසර හිමිවනවා. Northern Territory සඳහා බටහිර ඔස්ටේ්‍රලියාවේ ප්‍රාන්ත සීමා විවෘත වන නමුත් ක්වීන්ස්ලන්ඩ් සහ නිවු සවුත් වේල්ස් සඳහා තවදුරටත් ප්‍රාන්ත සීමා වසා දමා තිබේ.