Day: May 3, 2021

SeaWorld මගින් මිළයට ගත් කුඩා පෙන්ගුයින් සෙල්ලම් භාණ්ඩයක් සම්බන්ධ අනතුරක් හේතුවෙන් අසාධ්‍ය තත්වයේ සිටි 06 හැවිරිදි දරුවෙකු මියගොස් තිබේ. Deklan Labington-MacDonald නම් මෙම දරුවා Anzac දිනයේදී අනතුරට මුහුණ පා තිබිණ. ඔහු මෙතෙක් ක්වීන්ස්ලන්ඩ් ළමා රෝහලේ ප්‍රතිකාර ලබමින් සිටියේය. දරුවාට අවශ්‍ය සැත්කමක් කිරීම වෙනුවෙන් ඩොලර් 1400 ක මුදලක්ද එක් රැස් කර තිබිණ. සිද්ධිය සම්බන්ධයෙන් Gold Coast හි SeaWorld ළමා උද්‍යානයද දැඩි කණගාටුව පළ කලේය.  

කොවිඩ් ආසාධිතයන් සහ ආශ්‍රිතයන් ගමන් කල බවට තහවුරු කර ගැනීමත් සමග පර්ත් නගරයේ තවත් ස්ථාන 100 කට ආසන්න සංඛ්‍යාවක් අවධානම් ස්ථාන ලෙස හඳුනාගෙන තිබෙනවා. KFC / McDonald’s හා Hungry Jack යන අවන්හල් ද ඒ අතර වන බවයි සෞඛ්‍ය අංශ පැවසුවේ. මේ අනුව පහත දැක්වෙන ස්ථානවල ඒ අදාළ කාලසීමාවලදී කිසියම් අයෙකු සිටියේ නම් වහා කොවිඩ් පරීක්ෂණයකට යොමුවිය යුතු බවට දැනුම් දෙනවා. https://healthywa.wa.gov.au/COVID19locations

Townsville වරායට ආ නෞකාවකින් පැමිණ නිරෝධායන නීති උල්ලංඝනය කර පළා ගිය පකිස්ථාන ජාතිකයා අත්අඩංගුවට ගෙන තිබේ. චීනයේ සිට ආ Polaris 3 නම් නෞකාවෙන් මොහු පැමිණ තිබුණේ පසුගිය සෙනසුරාදා දිනයේදීයි. ඔහු නැවෙන් පිටතට පැන ඇති බවටයි වාර්තා වන්නේ. අනතුරුව ඔහු සෙවීමට ක්වීන්ස්ලන්ඩ් පොලිසිය හා සෞඛ්‍ය අංශ මෙන්ම ඔස්ටේ්‍රලියානු දේශ සීමා ආරක්ෂණ බළධාරීන්ද පුලුල් සෝදිසි මෙහෙයුමක් ක්‍රියාත්මක කලා. මොහු ඇතුලු තවත් නෞකා කාර්ය මණ්ඩල සාමාජිකයන් 11 දෙනෙකු දේශපාලන රැකවරණ අපේක්ෂාවෙන් සිටින අතර නැවත නෞකාවට යෑම ප්‍රතික්ෂේප කර

Mystery Flights හෙවත් ගමනාන්තය නොදන්නා ගුවන් ගමන් ක්වන්ටාස් ගුවන් සේවය විසින් නැවතත් ආරම්භ කර තිබේ. ගුවන් යානයට ගොඩවන තෙක් එසේත් නොමැති නම් ගොඩ බස්වන තුරු ගමනාන්තය මගීන් විසින් නොදැනුවත්ව සිටීමයි මෙහි ඇති විශේෂත්වය වන්නේ. දැනට අඩාලවී ඇති සංචාරක සහ ගුවන් සේවා කර්මාන්තය යළි නගා සිටුවීමේ අරමුණ ඇතිවයි ක්වන්ටාස් ගුවන් සේවය මෙම වැඩපිළිවෙල ආරම්භ කරනු ලැබුවේ. ඒ සඳහා ඉහළ ප්‍රතිචාර ලැබී ඇති බවයි ක්වන්ටාස් සමාගම නිවේදනය කලේ.