ශ්‍රී ලංකා ක්‍රිකට් කණ්ඩායමේ තුන් ඉරියව් ක්‍රීඩක තිසර පෙරේරා ජාත්‍යන්තර ක්‍රිකට් පිටියට සමුදීමට තීරණය කර තිබෙනවා.
ඒ පිළිබදව ඔහු විසින් ශ්‍රී ලංකා ක්‍රිකට් ආයතනය වෙත දැනුම් දී ඇති බවයි වාර්තා වන්නේ.
පන්දු වාර විස්ස සහ එක්දින තරඟවලදී ශ්‍රී ලංකා කණ්ඩායමේ නායකයෙකු ලෙස කටයුතු කළ ඔහු ටෙස්ට් පිටියට සමුදුන්නේ 2016 වසරේදියි.
2014 වසරේ පන්දු වාර 20 ලෝක කුසලානය ශ්‍රී ලංකා කණ්ඩායම ජය ගැනීම සඳහා තිසර පෙරේරාගේ තුන් ඉරියව් ක්‍රීඩා විලාශය ද ඉවහල් වුණා.
එක්දින තරඟ 166කදී ලකුණු 2338ක් ලබාගෙන ඇති ඔහු කඩුලු 175ක් බිද හෙලීමට සමත්ව ඇති අතර පන්දු වාර 20 තරඟ 84කදී ශ්‍රී ලංකා කණ්ඩායම නියෝජනය කර තිබෙනවා.
