Day: April 5, 2021

ඔස්ටේ්‍රලියාව තුළ රැකියා පුරප්පාඩු සංඛ්‍යාව කැපී පෙනෙන අන්දමින් ඉහළ ගොස් තිබෙනවා. එහෙත් අවශ්‍යතාවය පරිදි සුදුස්සන් නොමැති බවයි සේවා යෝජකයන් සඳහන් කර ඇත්තේ. පසුගිය පෙබරවාරි මාසයේදී රැකියා පුරප්පාඩු 289,000 ක් තිබී ඇති අතර එය ජනවාරි මාසයට වඩා සියයට 13 ක ඉහළ යාමක්. මින් පුරප්පාඩු 260,300 ක් ම පුද්ගලික අංශයේ වනවා. Job vacancies (‘000), industry Job vacancies by industry Nov-19 Feb-20 May-20 Aug-20 Nov-20 Feb-21 Mining 6 7 4.3 6 6 8 Manufacturing 11 12 7.0 14

අඛණ්ඩව 04 වන දිනයටත් කොවිඩ් ආසාධිතයන් හමු නොවීම හමුවේ නිවු සවුත් වේල්ස් ප්‍රාන්තයට පණවා ඇති නිරෝධායන සීමා ඉවත් කිරීමට බළධාරීන් සුදානම් වනවා. ඒ අනුව මුව ආවරණ පැළඳීම ඇතුලු රෙගුලාසි ඉවත් කෙරෙනු ඇති. නිවු සවුත් වේල්ස් උතුරු කලාපයට පණවා ඇති සංචරණ සීමා ද අද රාත්‍රී 12 සිට ක්‍රියාත්මක නොවන බවයි වාර්තා වන්නේ. ක්වීන්ස්ලන්ඩ් ප්‍රාන්තයෙන් හමුවූ කොවිඩ් පොකුරේ ආසාදිතයන්ගේ සමීපතමයෙකු නිවු සවුත් වේල්ස් ප්‍රාන්තයෙන්ද හමුවීමත් සමගයි සංචරණ සීමා පණවා තිබුණේ.

සිඩ්නි දකුණු ප්‍රදේශයේ ජලජ ක්‍රීඩා මධ්‍යස්ථානයකින් නිකුත් වූ විෂ සහිත ආඝ්‍රාණයක් හේතුවෙන් කුඩා දරුවෙකු ඇතුලු 03 දෙනෙකු රෝහල්ගත කර තිබෙනවා. තවත් 100 කට ආසන්න පිරිසක් එම ස්ථානයෙන් ඉවත් කර ඇති බවයි වාර්තා වන්නේ. මෙය ගෑස් කාන්දුවක් හමුවේ ඇති වූ දුමාරයක් විය හැකි බවටයි අනාවැකි පළවී ඇත්තේ. රෝහල්ගත වූවන්ගේ තත්වය අසාධ්‍ය නැතැයි සිඩ්නි රෝහල් බළධාරීන් සඳහන් කලා.