කෙන්යාවේ පොදු ස්ථානයක ස්ථාපනය කරන ලද ප්‍රථම බුද්ධ ප්‍රතිමාව කෙන්යාවේ නයිරෝබි හි විවෘත කරනු ලැබිණ.
සුප්‍රසිද්ධ කෙන්යානු ශ්‍රී ලාංකික සමාගමක් වන මේලීන් සමූහය විසින් මෙම බුද්ධ මන්දිරය ඉදිකරන ලදි. .
රැස්ව සිටි ප්‍රජාව අමතමින්, මහ කොමසාරිස් කනනාදන් මෙසේ පැවසීය “අද උදෑසන ගෞතම බුදුරජාණන් වහන්සේගේ ප්‍රතිමාව නිරාවරණය කිරීමේ අවස්ථාව සඳහා පැමිණි ඔබ සැම සාදරයෙන් පිළිගනිමි. කෙන්යාවේ ප්‍රසිද්ධ ස්ථානයක දී බුද්ධ ප්‍රතිමාවක් පළමු වරට ස්ථාපනය කිරීම සුවිශේෂී අවස්ථාවකි. කෙන්යාවේ දී අපගේ බෞද්ධ උරුමය විදහා දැක්වීම සම්බන්ධයෙන් එය අපගේ ද්විපාර්ශ්වික සබඳතා පිළිබඳ නව පිටුවක් පෙරළයි. කෙන්යාවේ දී ශ්‍රී ලංකාව නියෝජනය කිරීම මට අභිමානයක් වන අතර, මහ කොමසාරිස් කාර්යාලය ඉදිරිපිට දී බුද්ධ ප්‍රතිමාව ස්ථාපනය කිරීමට ලැබීම භාග්‍යයක් කොට සලකමි.
