වික්ටෝරියා ප්‍රාන්තයේ පාසල් සිසුන් අතර සීඝ්‍රයෙන් පැතිර යන ඊ-දුම්වැටි පානය නතර කිරීමට පාසල් බළධාරීන් විසින් නවතම පියවරක් අත්හදා බලමින් සිටී.
ඒ අනුව වැසිකිළි ඇතුලු ස්ථානවල අධි සංවේදී උපකරණ සවි කිරීමට පියවර ගෙන තිබේ.
දැනටමත් මෙල්බර්න් නගරයේ පාසල් 06 ක මෙම උපකරණ සවි කර ඇතැයි සඳහන්.
ඊ-දුම්වැටි වල දුමාරය හඳුනාගත් සැණින් පාසලේ ගුරුවරුන් ඇතුලු ඉහළ පාලනාධිකාරිය වෙත ඒ බව දැක්වෙන කෙටි පණිවිඩයක් යොමු කිරීම සහ සී සී ටී වී කැමරා ඔස්සේ පටිගත කිරීම් ආරම්භවීම අනතුරුව සිදුවනවා.
වික්ටෝරියා ප්‍රාන්තයේ අවුරුදු 12 ත් 17 ත් අතර වියෙහි පසුවන සිසුන්ගෙන් සියයට 14 ක් පමණ ඊ-දුම්වැටි භාවිතයට ඇබ්බැහි වී ඇති අතර ඉන් බහුතරය මිතුරන් මාර්ගයෙන් මීට පුරුදු වී ඇති බවටයි අනාවරණ වන්නේ.
