ඉතාම නුදුරේදී සතියකට ෆයිසර් එන්නත් මාත්‍රා ලක්ෂ 10 ක් බැගින් ඔස්ටේ්‍රලියාවට හිමිවන බව මධ්‍යම රජය කියයි.
ඒ අනුව එන්නත්කරණ වැඩපිළිවෙල 03 ගුණයක වේගයකින් පවත්වාගෙන යාමට හැකිවන බවයි රජය පවසන්නේ.
දැනට රට තුළ භාවිත කරනුයේ සතියකට ෆයිසර් එන්නත් මාත්‍රා 300,000 ත් 350,000 ත් අතර ප්‍රමාණයකි.
අගෝස්තු වනවිට තවත් ෆයිසර් එන්නත් මාත්‍රා ලක්ෂ 45 ක් ලබාගැනීමට සැලසුම් කර ඇති බව මධ්‍යම රජය කියාසිටියේය.
මේ අතර එන්නත්කරණ වැඩසටහන ක්‍රියාත්මක කිරීමට තවත් වෛද්‍යවරුන් 1300 කට අවසර දීමටද රජය සැළසුම් කරමින් සිටී.
ෆයිසර් ආයතනය විසින් ඔස්ටේ්‍රලියාවට ලබාදීමට එකගවී ඇති මුලු මාත්‍රා ප්‍රමාණය මිලියන 40 කි.
