බැසිල් රාජපක්ෂ මුදල් අමාත්‍යවරයා ලෙස ජනාධිපති ගෝඨාභය රාජපක්ෂ ඉදිරියේ දිවුරුම් දී තිබෙනවා.
එමෙන්ම අග්‍රාමාත්‍ය මහින්ද රාජපක්ෂ ආර්ථික ප්‍රථිපත්ති හා සැළසුම් ක්‍රියාත්මක කිරීමේ අමාත්‍යවරයා ලෙසද ජනාධිපතිවරයා ඉදිරියේ දිවුරුම් දුන් බවයි ජනාධිපති මාධ්‍ය අංශය සඳහන් කලේ.
බැසිල් රාජපක්ෂ තව සුලුවේලාවකින් පාර්ලිමේන්තු මන්ත්‍රීවරයෙකු ලෙසද දිව්රුම්දීමට නියමිතයි.
මේ අතර අග්‍රාමාත්‍යවරයා යටතේ තිබූ මුදල් අමාත්‍යංශය වෙනම අමාත්‍යංශයක් ලෙස නම් කරමින් සහ අමාත්‍යංශ විෂය පථයන් කිහිපයක් සංශෝධන කරමින් ජනාධිපති ගෝඨාභය රාජපක්ෂ මහතා විසින් අති විශේෂ ගැසට් පත්‍රයක් නිකුත් කර තිබෙනවා.
ජාතික ක්‍රමසම්පාදන දෙපාර්තමේන්තුව – ජන හා සංඛ්‍යාලේඛන දෙපාර්තමේන්තුව – ශ්‍රී ලංකා මහජන උපයෝගිතා කොමිෂන් සභාව ඇතුලූ දෙපාර්තමේන්තු ව්‍යවස්ථාපිත ආයතන හා රාජ්‍ය සංස්ථා 10ක් මෙම නව අමාත්‍යංශයට ඇතුළත් කර තිබෙනවා.
