සිසුවෙකුට කොවිඩ් වැළඳී ඇතැයි ඔප්පුවීමත් සමග සිඩ්නි හි Rose Bay ද්වීතියික පාසලේ සියලු සිසුන් හා කාර්ය මණ්ඩලය හුදකලා කර තිබේ.
එමෙන්ම හෙට සිට යළි දැනුම් දෙන තුරු පාසල වසා තබන බවයි විදුහල්පතිනී Melinda Bright නිවේදනය කලේ.
රෝග ලක්ෂණ මතුවේදැයි වඩාත් අවධානයෙන් පසුවන ලෙස සියලු සිසුන්ට දැනුම්දීමක්ද කර ඇත.
ඊයේ දිනයේදී නිවු සවුත් වේල්ස් ප්‍රාන්තයෙන් කොවිඩ් ආසාධිතයන් 18 ක් හමුවූ අතර මේ වනවිට සමස්ත ආසාධිතයන් ගණන 130 දක්වා ඉහල ගොස් ඇත.
මුහුණු ආවරණ නොපැලඳි, කොරෝනා එන්නත නොලැබි සිඩ්නිහි රියදුරකු සිඩ්නි ගුවන්තොටුපලේ සිට ගුවන් කාර්යමණ්ඩල සාමාජිකයින් තිදෙනෙකු රැගෙන යාමෙන් අනතුරුව සිඩ්නි හි කොරෝනා පොකුර ඇරඹීම සිදුවිය.
එම රියදුරාගෙන් පසු ඔහුගේ බිරිඳට වෛරසය වැළඳී ඇති අතර එතැන් සිය වෛරසය ශීග්‍ර ලෙස ව්‍යාප්ත වීම සිදුවිය.
කෙසේ නමුත් මෙම රියදුරා කිසිදු අයුරකින් සෞඛ්‍ය නීති උල්ලංඝනය කිරීමක් සිදු කොට නොමැති අතර ඒ හේතුවෙන් ඔහුට කිසිදු චෝදනාවක් එල්ල නොවේ.
Credit: Google Maps
