ගතවූ පැය 24 තුළ වික්ටෝරියා ප්රාන්තයෙන් කිසිදු කොවිඩ් ආසාධිතයෙකු වාර්තා වී නොමැත.
ඒ අනුව අනිද්දා (25) සිට බලපැවැත්වෙන පරිදි ලිහිල් කෙරෙන සීමා සම්බන්ධයෙන් ප්රාන්ත වැඩ බලන අගමැති ජේම්ස් මර්ලීනෝ අද නිවේදනය කිරීමට නියමිතයි.
නිවාස සඳහා ගෙන්වා ගත හැකි අමුත්තන් සංඛ්යාව වැඩි කිරීම ද ඒ යටතේ සිදුවනු ඇති බවටයි අනාවැකි පළවන්නේ.
කෙසේවෙතත් ගෘහස්ථ කටයුතුවලදී මුව ආවරණ භාවිතය තවදුරටත් අනිවාර්ය වනු ඇති.
එමෙන්ම විවාහ – අවමගුල් හා අනෙකුත් උත්සව සඳහා සහභාගී කරවා ගත හැකි පුද්ගලයන් සංඛ්යාව 300 දක්වා වැඩි කරනු ඇති බවටද වාර්තා පළවනවා.