Day: June 23, 2021

ඔස්ට්‍රේලියාවේ මහාබාධක කොරල්පරය, අවදානමට ලක්ව ඇති ලෝක උරුම ලැයිස්තුවට ඇතුළත් කිරීමට යුනෙස්කෝ සංවිධානය සැලසුම් කර තිබේ. එක්සත් ජාතීන්ගේ සංස්කෘතික ආයතනය පවසන්නේ ලබන මාසයේ පැවැත්වෙන රැස්වීමකදී, එම ලැයිස්තුවට එය ඇතුළත් කරන බවයි. ගෝලීය උෂ්ණත්වය ඉහළ යාමේ ප්‍රතිඵලයක් ලෙස මුහුදු ජලයේ උණුසුම ඉහළ යාම කොරල්පරයට දැඩි ලෙස හානි සිදුවීමට ප්‍රධාන හේතුව බව විද්‍යාඥයෝ පවසති. මේ හේතුවෙන් කඩිනම් පියවර ගන්නා ලෙස එම සංවිධානය ඕස්ට්‍රේලියාවෙන් ඉල්ලා සිටී. යුනෙස්කෝව පවසන්නේ ඕස්ට්‍රේලියානු රජය කොතරම් උත්සාහ කළ ද කොරල්පරය සහිත ජලයේ ගුණාත්මකභාවය

මෙල්බර්න් ගිණිකොණ දිග ප්‍රදේශයේ Westfield Fountain Gate වෙළඳ සංකීර්ණයට යාබද Princes අධිවේගී මාර්ගය අසල තිබී පිරිමි මළ සිරුරක් හමුවී තිබේ. වික්ටෝරියා ප්‍රාන්ත පොලිසිය සැක පළකරන්නේ මෙය ඝාතනයක් විය හැකි බවටයි. මියගිය පුද්ගලයාගේ අනන්‍යතාවය මෙතෙක් තහවුරු වී නොමැත. ඔස්ටේ්‍රලියාවේ විශාලතම වෙළඳ සංකීර්ණ අතුරින් එකක් ලෙසටයි Westfield Fountain Gate  සැළකෙන්නේ. Princes අධිවේගී මාර්ගයේ Magid Drive සිට එං මංතීරුවක් මේ වනවිට තාවකාලිකව වසා දමා තිබෙනවා.

ඉමහත් ආන්දෝලනයට තුඩුදුන් ශ්‍රී ලාංකික ද්‍රවිඩ පවුල වෙනුවෙන් මාස 03 ක bridging Visa බලපත්‍රයක් ලබාදී තිබේ. සංක්‍රමණ අමාත්‍ය Alex Hawke විසින් ඔහුට පැවරි ඇති බලතල අනුවයි මෙම අවසරය දී ඇත්තේ. මේ අනුව දෙමව්පියන් දෙදෙනාට රැකියාවල නිරතවීමට මෙන්ම දරුවන් දෙදෙනාට අධ්‍යාපනය හැදැරීමටද මෙම වීසා බලපත්‍රය යටතේ අවස්ථාව උදාවනවා. ඔස්ටේ්‍රලියානු නීතියට අනුව මහජන කැමැත්ත පවතීනම් කිසියම් අයෙකුට වීසා බලපත් නිකුත් කිරීමේ ක්‍රියාවලියට මැදිහත්වීමට සංක්‍රමණ අමාත්‍යවරයාට බලතල පවතිනවා.

නිව් සවුත් වේල්ස් ප්‍රාන්තයේ සිර කඳවුරක ඇතිවී ඇති මී වසංගතයක් හේතුවෙන් එහි රඳවා සිටි සිරකරුවන් 400ක් සහ සේවකයින් 200ක් වෙනත් ස්ථානයක ස්ථානගත කිරීමට බලධාරීන් ක්‍රියාකර තිබේ. එම සිර කඳවුර ප්‍රතිසංස්කරණය කර පිරිසිඳු කිරීමට ද පියවර ගෙන තිබේ. එම බන්ධනාගාරයේ විදුලි කේබල් පද්ධතිය ඇතුළු යටිතල පහසුකම් මියන් විසින් විනාශකර ඇතිබව සඳහන් වේ. මේ වනවිට නිව් සවුත් වේල්ස් ප්‍රාන්තයේ ජනතාව “මී ගහනය වර්ධනය වීම හේතුවෙන්” දැඩිලෙස පීඩා විඳින බව වාර්තා වේ.