වික්ටෝරියා ප්‍රාන්තයෙන් ගතවූ පැය 24 තුළ හමුවූ නව ආසාධිතයාද මෙල්බර්න් කොවිඩ් පොකුරටම සම්බන්ධ අයෙකු බව හෙළිවී තිබේ.
මෙල්බර්න් නාගරික කලාපයේ වාසය කරන එම තැනැත්තා සියලු සෞඛ්‍ය උපදෙස් අනුගමනය කල අයෙකු බවට හෙළි වී ඇතැයි ප්‍රාන්ත සෞඛ්‍ය දෙපාර්තමේන්තුව කියයි.
මෙම තැනැත්තාගේ ආශ්‍රිතයන් සොයා මේ වනවිට විමර්ශන ආරම්භ කර ඇත.
ඔහුගේ පවුලේ සාමාජිකයන් 03 දෙනා අද පෙරවරුවේ පරීක්ෂණවලට භාජනය කෙරුණු අතර ප්‍රථිඵල අපේක්ෂාවෙන් සිටිකි.
මේ අතර සිය මිතුරෙකු / ඥාතියෙකු හෝ දන්නා වූ කවර තැනැත්තෙකු කොවිඩ් ලක්ෂණ පෙන්නුම් කරයි නම් වහා සෞඛ්‍ය අංශ දැනුවත් කරන ලෙසටයි වික්ටෝරියා සෞඛ්‍ය දෙපාර්තමේන්තුව දන්වා සිටින්නේ.
