කොවිඩ් ආසාධිතව හෝටල් නිරෝධායනය අවසන් කර නිවස බලා පිටත්ව ගිය පුද්ගලයෙකු ඊළග දිනයේදී ඉහළ වෛරස් ප්‍රමාණයක් සහිත අයෙකු බවට වාර්තාවීමේ පුවතක් පර්ත් නගරයෙන් වාර්තා වනවා.
නාවික ක්ෂේත්‍රයේ රැකියාව කරන මෙම තැනැත්තා දින 14 ක නිරෝධායනය අවසානයේ පසුගිය සිකුරාදා Pan Pacific හෝටලයෙන් මුදා හැර තිබේ.
එහෙත් ඊට පසු දින ඔහුට සිදුකල කොවිඩ් පරීක්ෂණයේදී හෙළිවී ඇත්තේ ඔහුගේ සිරුරු ඉතා ඉහළ වෛරස් ප්‍රමාණයක් අන්තර්ගත බවයි.
කෙසේවෙතත් මොහු නැවතත් කොවිඩ් ආසාධිතයෙකු යැයි තවමත් ප්‍රකාශ කල නොහැකි බව බටහිර ඔස්ටේ්‍රලියා ප්‍රාන්ත ප්‍රධාන අමාත්‍ය Andrew Robertson සඳහන් කලා.
නිරෝධායනයෙන් නිදහස් කිරීමෙන් පසු ඔහු ගොස් ඇත්තේ ෆාමසියකට – දුරකථන මධ්‍යස්ථානයකට සහ අවන්හලක් වැනි ඉතාම සීමිත ස්ථාන කිහිපයකට පමණක් වන අතර එම ස්ථානවල සිටි පුද්ගලයන් සම්බන්ධ කරගැනීම බටහිර ඔස්ටේ්‍රලියා ප්‍රාන්ත රජය විසින් මේ වනවිටත් ආරම්භ කර ඇත.
කොළොම්බියාවේ සිට අමෙරිකාව හරහා මොහු ඔස්ටේ්‍රලියාවට පැමිණ තිබුණේ පසුගිය මස 23 වනදායි.
Pic Credit: AAP
