පුද්ගලයන් 03 දෙනෙකු කොවිඩ් ආසාධිතයන් ලෙස හඳුනා ගැණුනද ඔස්ටේ්‍රලියාවේ පර්ත් නගරයට නැවත සංචරණ සීමා පැණවීමක් සිදු නොකරන බව බටහිර ඔස්ටේ්‍රලියා ප්‍රාන්ත ආණ්ඩුකාර මාර්ක් මැක්ගෝවන් පවසනවා.
හෝටලයක සේවය කරන ආරක්ෂක නිළධාරියෙකු සහ ඔහුගේ සමීපතමයන් දෙදෙනෙකුයි මෙලෙස ආසාධිතයන් ලෙස හඳුනාගෙන ඇත්තේ.
එහෙත් ඔවුන්ගෙන් කිසිදු සමාජ සම්ප්‍රේෂණයක් සිදුවී නැතැයි තහවුරු වීමත් සමග පර්ත් නගරයට යළිත් සංචරණ සීමා පැණවීමට අවශ්‍යතාවයක් නොමැති බවයි ප්‍රාන්ත ආණ්ඩුකාරවරයා පෙන්වා දෙන්නේ.
කෙසේවෙතත් පැවැත්වීමට නියමිතව තිබූ ක්‍රීඩා ඉසව් කිහිපයක් අවලංගු කර තිබෙනවා.
