ඔස්ට්‍රේලියාවේ වික්ටෝරියා ප්‍රාන්තයේ මාර්ග වල පාපැදි කරුවන් පසුකර යන වාහන සඳහා අවම දුර ප්‍රමාණයක් හඳුන්වා දී තිබේ.
එම දුර ප්‍රමාණය අඩංගු නීතිය අප්‍රේල් 26 වන දින සිට බලාත්මක කර ඇත.
ඒ අනුව පැයට කිලෝමීටර 60 ක් දක්වා වූ වේග සීමා ඇති මාර්ගවල පාපැදි කරුවන්ව අභිබවා යාමේදී (overtaking) අවම වශයෙන් මීටරයක පරතරයක් හෝ මෝටර් රථ හිමියන් විසින් තබා ගැනීම අනිවාර්ය වේ.
එමෙන්ම පැයට කිලෝමීටර 60 ට වඩා වැඩි වේග සීමා ඇති මාර්ගවල එම පරතරය මීටර් 1.5 ක් වන බව සඳහන්.
අප්‍රේල් 26 සිට පැයට කිලෝමීටර 60 ක් දක්වා වූ වේග සීමා ඇති මාර්ගවල පාපැදි කරුවන්ව අභිබවා යාමේදී අවම වශයෙන් මීටරයක පරතරයක් මෝටර් රථ හිමියන් විසින් තබා ගත යුතුය.
පැයට කිලෝමීටර 60 ට වඩා වැඩි වේග සීමා ඇති මාර්ගවල එම පරතරය මීටර් 1.5 ක් වන බව සඳහන්.
මෙම නව නීතිය උල්ලංඝනය කළහොත් ඒ මොහොතේම $330 ක දඩයක් පැනවෙන අතර අධිකරණයේදී $1,652 ක දඩයකට යටත් වීමට සිදුවනු ඇත.
මෙම නව නීතිය යටතේ, රියදුරන්ට සහ යතුරුපැදිකරුවන්ට පාපැදි කරුවන්ට අවශ්‍ය ඉඩ ලබා දීම සඳහා මාර්ගයේ පින්තාරු කර ඇති ඉරි මද වශයෙන් කපා ධාවනය කළ හැකිය.
නමුත් ඔවුන්ට ඉදිරියෙන් තම මාර්ගයේ පැහැදිලි ඉඩක් ඇති විට පමණක් එසේ කිරීමට ඉඩ ලැබේ.
මේ අතර පාපැදි කරුවන් ද මාර්ග නීති අනුගමනය කළ යුතුය.
ආරක්ෂාකාරීව පාපැදිය ධාවනය කිරීම, පාපැදි සඳහා වෙන්වූ මං තීරු ඇතිනම් ඒවා නිසි පරිදි භාවිත කිරීම සහ හැරවීමේදී අතින් සංඥාවක් ලබා දීම වැනි නීති පාපැදි කරුවන් ද පිළිපැදිය යුතුය. මෙම නව නීතිය උල්ලංඝනය කළහොත් ඒ මොහොතේම $330 ක දඩයක් පැනවෙන අතර අධිකරණයේදී $1,652 ක දඩයකට යටත් වීමට සිදුවනු ඇත.
එමෙන්ම ඔබේ රියදුරු බලපත්‍රයට demerit points දෙකක්ද ලැබෙනු ඇත.
(SBS)
