Day: April 27, 2021

කොවිඩ් වසංගතය වඩාත් සාර්ථකව කළමණාකරනය කල රට බවට සිංගප්පූරුව පත්ව තිබෙනවා. ඒ එම ස්ථානයේ රැඳී සිටි නවසීලන්තය අභිබවා යමිනුයි. ආසාධිතයන් / කොවිඩ් මරණ / එන්නත්කරණ වැඩපිළිවෙල වැනි සාධක සළකා බලමිනුයි බ්ලූම්බර්ග් වෙබ් අඩවිය විසින් මෙම නම් කිරීම සිදුකර ඇත්තේ. එම දර්ශකයට අනුව ඔස්ටේ්‍රලියාව 03 වන ස්ථානයට පත්ව තිබෙනවා.  

ඔස්ට්‍රේලියාවේ වික්ටෝරියා ප්‍රාන්තයේ මාර්ග වල පාපැදි කරුවන් පසුකර යන වාහන සඳහා අවම දුර ප්‍රමාණයක් හඳුන්වා දී තිබේ. එම දුර ප්‍රමාණය අඩංගු නීතිය අප්‍රේල් 26 වන දින සිට බලාත්මක කර ඇත. ඒ අනුව පැයට කිලෝමීටර 60 ක් දක්වා වූ වේග සීමා ඇති මාර්ගවල පාපැදි කරුවන්ව අභිබවා යාමේදී (overtaking) අවම වශයෙන් මීටරයක පරතරයක් හෝ මෝටර් රථ හිමියන් විසින් තබා ගැනීම අනිවාර්ය වේ. එමෙන්ම පැයට කිලෝමීටර 60 ට වඩා වැඩි වේග සීමා ඇති මාර්ගවල එම පරතරය මීටර් 1.5

ඉන්දියාවේ සිට ඔස්ටේ්‍රලියාවට පැමිණෙන සියලුම ගුවන් යානා වහාම ක්‍රියාත්මක වන පරිදි අත්හිටුවා තිබෙනවා. දැනට ඉන්දියාවේ සීඝ්‍රයෙන් ව්‍යාප්ත වන කොවිඩ් තත්වය සළකා බලා ලබන මැයි මස 15 වනදා දක්වා මෙම තීරණය ක්‍රියාත්මක කිරීමටයි අග්‍රාමාත්‍ය ස්කොට් මොරිසන් තීරණය කර ඇත්තේ. අද පැවති ඔස්ටේ්‍රලියා ජාතික ආරක්ෂක කවුන්සිල රැස්වීමේදී මෙම තීරණය ගෙන තිබෙනවා. ඉන්දියාවේ සිට පැමිණෙන සෘජු ගුවන් ගමන් සඳහා පමණක් නොව ඩුබායි – සිංගප්පූරුව සහ මැලේසියාව වැනි රටවල් හරහා පැමිණෙන ගුවන් යානා සඳහාද අදාළ තහනම බලාත්මක වනු ඇති.

ගුවන් මගින් බටහිර ඔස්ටේ්‍රලියා ප්‍රාන්තයට පැමිණි පුද්ගලයන් අතුරින් 04 දෙනෙකු COVID ආසාධිතයන් ලෙස හඳුනාගෙන ඇත. තවත් අයෙකු පිළිබඳ සැක කටයුතු තත්වයක් මත පරීක්ෂණ ක්‍රියාත්මක බවයි ප්‍රාන්ත ආණ්ඩුකාරවරයා සඳහන් කලේ. මෙම සියලු දෙනා ඉන්දියාවේ සිට මැලේසියාව හරහා පර්ත් නගරයට පැමිණ තිබුණි. එම ගුවන් යානයේ පැමිණි 79 දෙනා අතුරින් 78 ක්ම ඉන්දියාවේ සිට පැමිණි අය බව සඳහන්. ඉන්දියාවෙන් දිනයකට ලක්ෂ 03 ඉක්මවා ආසාධිතයන් වාර්තාවන වාකාවරණයක මෙම තත්වය යහපත් නොවන බවයි ප්‍රාන්ත ආණ්ඩුකාරවරයා පෙන්වා දෙන්නේ.

ජාත්‍යන්තර සිසුන් සහ සේවකයන් නැවතත් ප්‍රාන්තය තුළට පිළිගැනීමට වික්ටෝරියා ප්‍රාන්ත බළධාරීන් තීරණය කර තිබේ. කොවිඩ් තත්වයෙන් ගොඩ ඒම සඳහා රජයේ ආර්ථික සැළසුම්ට සහය දීමේ අරමුණින් එම තීරණය ගැනීමට නියමිතයි. මැයි 24 වනදා සිට සිසුන් හා ශ්‍රමිකයන් 120 දෙනා බැගින් සතියකට භාර ගැනීමටයි වික්ටෝරියා ප්‍රාන්තය සැළසුම් කර ඇත්තේ. ඔවුන් විශේෂ නිරෝධායනයකින් අනතුරුව සමාජයට යොමු කෙරෙනු ඇති. මේ පිළිබඳ දක්වමින් වික්ටෝරියා වැඩබලන ආණ්ඩුකාර James Merlino විසින් අගමැති ස්කොට් මොරිසන් වෙත ලිපියක්ද යවා තිබුණා.