දින 06 ක් පුරා සුවස් ඇළ අවහිර කරමින් රැඳී තිබූ එවර් ගිවන් නෞකාව නැවත ගමන් ආරම්භ කර තිබෙනවා.
ඊජිප්තුවේ වේලාවෙන් අද අලුයම 05 යි 42 ට පමණ නෞකාව සිරවී තිබූ වැලි පරයෙන් ඉවතට ගැනීමට හැකිවූ බවයි සහන කණ්ඩායම් ප්‍රකාශ කලේ.
තායිවානය තුළ ලියාපදිංචි එවර්ග්‍රීන් නෞකා සමාගමට අයත් එවර් ගිවන් නෞකාව පැනමා ධජය යටතේ චීනයේ සිට නෙදර්ලන්තය දක්වා ගමන් කරමින් තිබියදීයි පසුගිය අගහරුවාදා වැලි පරයක ගැටීමෙන් සූවස් ඇළ අවහිර කරමින් සිරවීමකට ලක්වූයේ.
දිගින් මීටර් 400 ක දිගකින් සමන්විත මෙම නෞකාව අවහිරවීමත් සමග සූවස් ඇළ ආශ්‍රිතව තවත් නෞකා 300 ක් පමණ අවහිරව පැවති අතර ඉන්ධන / ආහාර ඇතුලු අත්‍යවශ්‍ය ද්‍රව්‍ය නිසි ගමනාන්තවලට ළගාවීම ප්‍රමාදවීමත් සමග පැයකට ඩොලර් මිලියන 400 ක පමණ පාඩුවක් සිදුවූ බවටයි තක්සේරු කර තිබුණේ.
