මෙතම්ෆෙටමින් මත්ද්රව්ය ළඟ තබාගත් බවට චෝදනා එල්ල වූ ඔස්ට්රේලියානු ජාතිකයෙකු බාලිහිදී අත්අඩංගුවට ගෙන තිබෙනවා.
ට්රෝයි ස්මිත් නම් මෙම පුද්ගලයා ඉන්දුනීසියානු පොලිසිය විසින් පසුගිය අප්රේල් 30 වනදා බාලිහි හෝටලයකදී අත්අඩංගුවට ගෙන ඇතැයි සඳහන්.
ඉන්දුනීසියානු පොලිසිය චෝදනා කරන්නේ ඒ වන විට ඔහු සතුව මෙතම්ෆෙටමින් ග්රෑම් 3.15ක් තිබූ බවයි.
බාලි පොලිස් මත්ද්රව්ය නාශක අංශයේ අධ්යක්ෂවරයා පැවසුවේ සැකකරුගේ ඉල්ලීම මත ඔස්ට්රේලියාවේ සිට මෙම මත්ද්රව්ය එවා ඇති බවයි.
මත්ද්රව්ය ළඟ තබා ගැනීමේ වරද සඳහා ඉන්දුනීසියාවේ උපරිම දඬුවම වසර 12ක සිරදඬුවමක් සහ ඩොලර් ලක්ෂ 8ක දඩයක් වනවා.
මේ අතර නොර්තන් ටෙරිටරි හිදී පොලිසියෙන් පලා ගිය සිරකරුවා ඩාවින්හි දී සොයා ගෙන තිබෙනවා.
ප්රාන්ත පොලිසිය පැවසුවේ අඟහරුවාදා පස්වරු 2 ට පමණ පොලිස් ස්ථානයේ අත්අඩංගුවේ සිට අවුරුදු 18, 23 සහ 29 යන වයස්වල තරුණයන් තිදෙනෙකු පලා ගිය බවයි.
ඉන් දෙදෙනෙකු එස්ප්ලැනේඩ් ප්රදේශයේදී අත්අඩංගුවට ගෙන තිබු අතර පොලිසිය පැය 48ක පමණ කාලයක් සිදු කළ ලුහුබැඳීමකින් පසුවයි අනෙක් සැකකරු සොයා ගැනුණේ.