පර්ත් හි ගිනිකොන දෙසින් පිහිටි බ්‍රෙමර් බොක්ක ප්‍රදේශයේ ප්‍රාදේශීය සෞඛ්‍ය සේවා ආයතනයකට වෛද්‍යවරුන් ආකර්ෂණය කර ගැනීම සඳහා වරප්‍රසාධ රැසක් පිරිනැමීමේ සිදුවීමක් වාර්තා වනවා.
නොමිලේ කුලී රහිත නිවසක්, සුඛෝපභෝගී මෝටර් රථයක් සහ ඩොලර් 450,000ක වැටුපක් මෙම රැකියාවට සුදුසුකම් ලබන වෛද්‍යවරයාට හිමි වනු ඇති.
ප්‍රාදේශීය සෞඛ්‍ය සේවා සපයන ආයතනය විසින් නගරබද ප්‍රදේශවලින් වෛද්‍යවරුන් ආකර්ෂණය කර ගැනීමට මෙලෙස නිර්මාණශීලී සහ ත්‍යාගශීලී දැන්වීම් පළ කර ඇති බවයි වාර්තා වන්නේ.
සාර්ථක අයදුම්කරුට නිදන කාමර පහක කුලී රහිත නිවසක් සහ මෙන්ම මෝටර් රථයක් හිමි වන අතර ඔස්ට්‍රේලියාවේ ග්‍රාමීය ප්‍රදේශයේ සැබෑ සුවය අත්විඳිමින් දර්ශනීය ස්ථානයක කුලි නොගෙවා ජීවත් වන ලෙසට එම දැන්වීමේ සඳහන් කර තිබෙනවා.
අයදුම්කරුවන් ඔස්ට්‍රේලියානු සෞඛ්‍ය වෛද්‍ය නියාමක ඒජන්සියේ ලියාපදිංචි විය යුතු අතර ග්‍රාමීය සෞඛ්‍ය නිලධාරියෙකු ලෙසට පුහුණුවීමට ද කැමති විය යුතුයි.
ඔස්ට්‍රේලියානු සෞඛ්‍ය හා සුභසාධන ආයතනයේ වාර්තාවන්ට අනුව නගරවල ජිවත් වන ජනතාව හා සැසඳීමේදී ග්‍රාමීය හා දුරස්ථ ප්‍රදේශවල ජීවත් වන පුද්ගලයින්ගේ රෝහල්ගතවීම්, මරණ සහ තුවාල වීමේ ප්‍රතිශතය ඉහළ මට්ටමක පවතිනවා.
ඔවුන්ට ප්‍රාථමික සෞඛ්‍ය සේවා සඳහා ඇති ප්‍රවේශය ද පවතින්නේ දුර්වල මට්ටමකයි.
