කොවිඩ් ව්‍යාප්තියෙන් පසු ජනතාවට ලබා ගත හැකි වැඩිදියුණු කළ එන්නත්වල අතිරික්තයක් හේතුවෙන් තම COVID-19 එන්නත ලොව සියලු රටවලින් ඉවත් කර ගැනීම ආරම්භ කර ඇති බව AstraZeneca ආයතනය පවසනවා.
ඒ අනුව යුරෝපය තුළ වැක්සේවයිරා (Vaxzevria) නොහොත් ඇස්ට්‍රාසෙනෙකා එන්නතේ අලෙවිකරණ අවසරය ඉවත් කර ගැනීමට සමාගම කටයුතු කරන බවයි පවසා ඇත්තේ.
විවිධ COVID-19 එන්නත් නිපදවා ඇති බැවින් වැඩි දියුණු කළ එන්නත්වල අතිරික්තයක් ඇති බව සමාගම පවසනවා.
මේ නිසා තවදුරටත් AstraZeneca එන්නත් නිෂ්පාදනය හෝ සැපයීම සිදු නොකරන අතර එන්නත සඳහා ඇති ඉල්ලුම ද පහත වැටී ඇති බවයි ඔවුන් සඳහන් කරන්නේ.
AstraZeneca ඖෂධ නිෂ්පාදන සමාගම එන්නතට විරුද්ධව පැවති නඩුවකදී වැක්සේවයිරා එන්නත රුධිර කැටි ගැසීම් සහ රුධිර පට්ටිකා ප්‍රමාණය අඩුවීම වැනි අතුරු ආබාධ ඇති කරන බව පිළිගෙන තිබුණා.
