නිවසක් ගැන බලාපොරොත්තු බිඳ වැටෙන ලකුණු

ඔස්ට්‍රේලියාවේ ප්‍රධාන නගරවල තදාසන්න ප්‍රදේශ ආශ්‍රිත නිවාස මිල වාර්තාගත ලෙස ඉහළ ගොස් තිබෙනවා.

ඊයේ නිකුත් කරන ලද නව පර්යේෂණයකින් අනාවරණ වී ඇත්තේ ඔස්ට්‍රේලියාවේ පොලී අනුපාත චක්‍රය අග නගර, තදාසන්න ප්‍රදේශ සහ ග්‍රාමීය ප්‍රදේශවල නිවාස මිල කෙරෙහි බලපෑමක් ඇති කර ඇති බවයි.

2022 වසරේ අප්‍රේල් මාසය දක්වා නිවාස මිල ගණන් ඉහළ ගොස් ඇත්තේ සියයට 2.8කින් පමණක් බවයි දේපල වෙලඳපොලේ කාර්ය සාධනය සංසන්දනය කරන CoreLogic විශ්ලේෂණය පෙන්නුම් කර ඇත්තේ.

එහෙත් මෙම අගය ගතවූ වසර දෙක තුළ සියයට 31.7ක සැලකිය යුතු වර්ධනයක් සමඟ තියුනු මිල ගණන් වෙනසක් පෙන්නුම් කර තිබෙනවා.

CoreLogic පර්යේෂණ අධ්‍යක්ෂ ටිම් ලෝලස් (Tim Lawless) පැවසුවේ වාර්තාගත ඉහළ සංක්‍රමණ, දැඩි කුලී කොන්දේසි සහ අඩු සැපයුම හේතුවෙන් ඇතැම් නගරවල නිවාස මිල ගණන් ඉහළ යාමට හේතුවක් වී ඇති බවයි.

2022 අප්‍රේල් මාසයේ සිට සියයට ඍණ 4.2 ක පහත වැටීමක් වාර්තා කළ මෙල්බර්න් හා සසඳන විට පසුගිය වසර දෙක තුළ සිඩ්නි හි, නිවාස වටිනාකම් සියයට 0.4 කින් වැඩි වී තිබෙනවා.

පසුගිය අප්‍රේල් මාසයේදී පර්ත්හි තදාසන්න ප්‍රදේශවල නිවාස මිල සියයට 97.3 ක් වාර්තාගත ඉහළ මට්ටමක පැවති අතර, ඇඩිලේඩ් සියයට 90.0 කින් සහ බ්‍රිස්බේන් සියයට 85.1 දක්වා ඉහළ ගොස් තිබෙනවා.

CoreLogic පවසන්නේ පර්ත් සහ ඇඩිලේඩ්හි නිවාස වෙලඳපොලවල මිල ගණන් ඉහළ යාම ඉදිරි මාසවලදී මන්දගාමී වීමේ සලකුණු පෙන්නුම් කරන බවයි.