ආසියාව තුල වඩාත්ම මිල අධික වීසා ගාස්තුව
ශ්‍රී ලංකාවේ බව සංචාරක ප්‍රමුඛයෝ චෝදනා කරනවා.
මෙලෙස වීසා ගාස්තු ඉහළ නැංවීමට ශ්‍රී ලංකාව ගත් තීරණය සංචාරක ප්‍රධානීන් අතර කනස්සල්ලට හේතු වී ඇති බවයි වාර්තා වන්නේ.
මේ හේතුවෙන් විදේශිකයන් ශ්‍රී ලංකාව අභිබවා වෙනත් රටවල් තෝරා ගැනීමට ඉඩ ඇති බවටයි සංචාරක සමාගම් සැක පල කරන්නේ.
ශ්‍රී ලංකාවේ සංචාරක ප්‍රධානීන් වීසා ගාස්තු වැඩි කිරීමට ශ්‍රී ලංකා රජය ගෙන ඇති තීරණය සම්බන්ධයෙන් මේ වන විටත් අදාළ අංශයන් වෙත පැමිණිලි කර ඇති අතර, ඔවුන් පවසන්නේ ආසියානු මහාද්වීපයේ වැඩිම වීසා වියදම් ඇත්තේ ශ්‍රී ලංකාවට බවයි.
සංචාරක ප්‍රධානීන් දැනටමත් ජනාධිපති රනිල් වික්‍රමසිංහට නිල ලිපියක් හරහා වීසා වියදම් අඩු කරන ලෙස ඉල්ලා තිබෙනවා.
මේ වසර අවසානයේදී ශ්‍රී ලංකාවට සංචාරක පැමිණීමේ ඉලක්කය මිලියන 2.5ට ළඟාවීමට නම් විසා ගාස්තු අඩු කළ යුතු බවට යෝජනා ඉදිරිපත් වනවා.
එසේ නොවන්නේ නම් සංචාරකයින් දැන් අඩු වියදම් වීසා ගාස්තු ඇති වියට්නාමය සහ තායිලන්තය වැනි රටවල් සංචාරයන් සදහා තොරා ගනු ඇතැයි අනතුරු අගවා තිබෙනවා
