ක්වීන්ස්ලන්ඩ් ප්‍රාන්තයේ ඇප කොන්දේසි කඩ කරන තරුණ අපරාධකරුවන්ගේ සංඛ්‍යාව ඉහළ ගොස් තිබෙනවා.
වැඩබලන සහකාර පොලිස් කොමසාරිස් ඇන්ඩෲ මැසිංහැම් සඳහන් කළේ පසුගිය මාස 12ක කාලසීමාව තුළ තරුණයින් 1144 දෙනෙකුට ඇප වැරදි 8464 ක් කඩකිරීම සම්බන්ධයෙන් චෝදනා එල්ල වී ඇති බවයි
එක් වරදකරුවෙකු විසින් සිදු කර ඇති ඇප වැරදි කඩකිරීම් ගණන 7ක් පමණ වන අතර පොලිසිය සඳහන් කළේ මේ සම්බන්ධව දැඩි නීති ක්‍රියාත්මක කරන බවයි.
එම කාල සීමාව තුළ බාලවයස්කරුවන් 6000කට ආසන්න ප්‍රමාණයක් අත්අඩංගුවට ගෙන ඇති අතර ඔවුන් වැඩි කාලයක් රැඳවුම් භාරයේ සිට ඇති බව සඳහන්.
කෙසේ වෙතත් මෙම වසරේ ගතවු පළමු කාර්තුව තුළ තරුණ අපරාධකරුවන්ගේ සංඛ්‍යාව සියයට 11කින් අඩුව පැවැතිය ද ඇප කොන්දේසි කඩ කිරීම් ඊට සාපේක්ෂව ඉහළ ගොස් තිබෙනවා.
ක්වින්ස්ලන්ඩ් ප්‍රාන්තයේ ඇතැම් ප්‍රදේශ වල තරුණ අපරාධ සියයට 30 කින් පමණ අඩුවීම තවත් විශේෂත්වයක්.
ප්‍රජා ආරක්ෂාව අවදානමට ලක්ව ඇති හෝ දැනටමත් ඇප කඩ කර ඇති අවස්ථාවකදී අපරාධකරුවන්ගේ ඇප අවලංගු කිරීමට පියවර ගන්නා බව ද පොලීසිය වැඩිදුරටත් සඳහන් කළා.
