මෙල්බන් හොලිඩේ ඉන් හෝටලය ආශ්‍රිත කොරෝනා ආසාදිතයින් ගණන 13ක්! තුන්වන වරටත් lockdown තත්වයකට යාමට සැරසෙන ලකුණු!

අද උදෑසන වාර්තාවන්ට අනුව මෙල්බන් හි හොලිඩේ ඉන් හෝටලය ආශ්‍රිත කොරෝනා ආසාදිතයින් ගණන 13ක් දක්වා වර්ධනය වී ඇති බවට සනාථ වීමත් සමඟ නැවතත් වික්ටෝරියා ප්‍රාන්තය lockdown තත්වයකට යාමට බොහෝ ඉඩකඩ ඇති බවට සඳහන් වේ.

තුන්වන රැල්ලකට ඇති බිය නිසා එක්සත් රාජධානියේ බෝවීමේ සම්භාවිතාව වැඩි ප්‍රවණතාවයක් සහිත​ ප්‍රභේදයක් යැයි සිතන COVID-19 වයිරසය​ පැතිරීම මැඩපැවැත්වීම සඳහා විකල්පයන් හුවා දක්වමින් මධ්‍යම රාත්‍රියේ රැස්වීමක් පැවැත්වීමට රජයේ සෞඛ්‍ය නිලධාරීන් කටයුතු කර තිබුණි.

වික්ටෝරියානු රජය අද දින සවස් වන විට මේ පිළිබඳව අදහස් දැක්වීමට අපේක්‍ෂා කෙරේ.

මෙම පොකුර ආශ්‍රිතව වාර්තා වී ඇති 13 දෙනාගෙන් 11 දෙනෙකුටම එක්සත් රාජධානියේ පැතිරෙන විකෘති කොරෝනා වයිරසය ආසාදනය වී ඇති බවට තහවුරු වී ඇත​.

වසංගත රෝග විද්‍යා මහාචාර්ය නැන්සි බැක්ස්ටර් අද පැවසුවේ තුන්වන වරටත් lockdown තත්වයකට යාම මේ අවස්ථාවේ වික්ටෝරියානු ප්‍රාන්තයට ප්‍රයෝජනවත් විය හැකි බවයි.

මේ අවස්ථාවේ වික්ටෝරියානු ප්‍රාන්තයට කොරෝනා තුන්වන රැල්ලක් ඇති වීමේ වඩා අවදානම් තත්වයකට යාමෙන් වළක්වා ගැනීමට නම් මෙලෙස lockdown තත්වයක් පැනවීම ඉතා අවශ්‍ය බව ඇය පැහැදිලි කළාය​.

මේ අතරේ, මෙල්බර්න් ගුවන්තොටුපලේ ආපනශාලාවක් කොරෝනා නිරාවරණ ස්ථාන ලැයිස්තුවට අලුතින් ඇතුළත් කර ඇත​.

පෙබරවාරි 9 වන අඟහරුවාදා අලුයම 4.45 ත් දහවල් 1.15 ත් අතර කාලයකදී ටර්මිනල් 4 හි café Brunetti ආපන ශාලාව එම අවදානම් ස්ථානය ලෙස නම් කොට ඇත​.

එම කාලය තුළ ආපනශාලාවට ගිය ඕනෑම අයෙකු වහාම හුදෙකලා විය යුතු අතර කොරෝනා වෛරස් පරීක්ෂණයක් සිදු කල යුතුයි.

මෙසේ වික්ටෝරියානු ප්‍රාන්තයේ වැඩිවෙමින් පවතින කොරෝනා සිද්ධීන් ගැන සලකා බලා අනෙකුත් ප්‍රාන්ත රජයන් තම දේශ සීමා නීති පැනවීමට පෙළඹී ඇත​.

ක්වීන්ස්ලන්තය සිය දේශසීමා නීති ඇතුලත් ක්‍රමවේදය​ සෙනසුරාදා අලුයම 1 සිට නැවත ස්ථාපනය කරනු ඇත.

දකුණු ඕස්ට්‍රේලියාව ද වික්ටෝරියා සඳහා සීමාවන් පනවා ඇති අතර, එහි දේශ සීමාව මෙල්බර්න් හි (Greater Melbourne) ඕනෑම කෙනෙකුට වසා දමා ඇත​.

නමුත් නිව් සවුත් වේල්ස් ප්‍රාන්තය තවමත් තම දේශ සීමා වික්ටෝරියානුවන්ට වසා දැමීමට පියවර ගෙන නැත​.

වෙසක් පොහොය දින වෙනුවෙන් සැමරුම් රැසක් නිව් සවුත්වේල්ස් ප්‍රාන්තයට භූ චලනයක් වික්ටෝරියා ප්‍රාන්තයෙන් හමුවූ කුරුළු උණ වෛරසය ගැන විශේෂ දැනුම්දීමක් ඔස්ට්‍රේලියාව තුළ රිය පැදවීමේදී ආහාර ගැනීමට ඇති නීතිමය අවසරය ගැන පැහැදිළි කිරීමක් ගෘහාශ්‍රිත සුරතල් සතුන් ගණන මිලියන 28ත් ඉක්මවා යයි

Read More »

වික්ටෝරියා ප්‍රාන්තයෙන් ඊයේ හමුවූ කුරුළු උණ ගැන අද විශේෂ දැනුම්දීමක්

ලෝකය පුරා පැතිර යන කුරුළු උණ වෛරසයට වඩා වික්ටෝරියා ප්‍රාන්තයෙන් හමුවී ඇති වෛරසයෙන් මහජනතාවට ඇති අවදානම අඩු බව නවතම සමික්ෂණ මගින් අනාවරණ වී තිබෙනවා.

Read More »

මැතිවරණ ප්‍රචාරක රැළියක වේදිකාවක් කඩා වැටී 9ක් ජීවිතක්ෂයට

උතුරු මෙක්සිකෝවේ මැතිවරණ ප්‍රචාරක රැලියක වේදිකාවක් කඩා වැටීමෙන් සිදු වූ අනතුරකින් පුද්ගලයන් 9 දෙනෙකු ජීවිතක්ෂයට පත්වී තිබෙනවා.

Read More »

සිංගප්පූරු ගුවන් යානයේ කැළඹීම ගැන ඇඩිලේඩ් යුවළක් විස්තර කරයි

සිංගප්පූරු ගුවන් සේවයේ යානයක් ඉහළ අහසේදී කැළඹීමකට හසුවීමේ අනතුර සිදුවූ අවස්ථාවේ එහි සිටි ඇඩිලේඩ් පදිංචි යුවළක් සිය අත්දැකීම් මෙන්ම එම අවස්ථාවේ දැනුණු හැඟීම් පිළිබඳ විස්තර කර තිබෙනවා.

Read More »