පිළිකාවට ප්‍රතිකාර ලබන චාල්ස් රජු යළි කරළියට

පසුගිය පෙබරවාරි මාසයේදී පිළිකාවක් ඇති බව හඳුනා ගැනීමෙන් පසු චාල්ස් රජු ඊයේ (30) යළි සිය මහජන රාජකාරි ආරම්භ කර තිබෙනවා.

ඒ, කැමිලා රැජින සමඟ පිළිකා ප්‍රතිකාර මධ්‍යස්ථානයක් වෙත සංචාරය කරමින්.

එහිදී සිනහවෙන් මුව සරසා ගත් රජුගේ නිරෝගී පෙනුම කාගෙත් වැඩි කතාබහට ලක්ව තිබුණා.

බකිංහැම් මාලිගය සිකුරාදා නිවේදනය කළේ, වෛද්‍ය නිර්දේශ අනුගමනය කරමින් රජු නැවත ඇතැම් මහජන රාජකාරි ආරම්භ කිරීමට නියමිත බවයි.

ඒ අනුව එහි පළමුවැන්න ලෙසයි රජු සහ කැමිලා රැජින ලන්ඩනයේ යුනිවර්සිටි කොලේජ් රෝහලෙහි පිළිකා මධ්‍යස්ථානය වෙත සංචාරය කර තිබුණේ.

එහිදී රජු, පිළිකා කල්තියා හඳුනා ගැනීමේ වැදගත්කම අවධාරණය කිරීම අරමුණු කරගනිමින් රෝගීන් සහ වෛද්‍ය විශේෂඥයින් සමඟ පැයක පමණ කාලයක් සාකච්ඡා කළ බව සඳහන්.

එමෙන්ම පිළිකා කල්තියා හඳුනා ගැනීමට උපකාරී වන පෙරළිකාර තාක්‍ෂණික භාවිතයන් පිළිබඳව ද මෙම ගමනේදී රජු සිය අවධානය යොමුකර තිබීම විශේෂත්වයක්.

මේ අතර චාල්ස් රජු ඉදිරියේදී පැවැත්වීමට නියමිත ‘Trooping the Colour’ හමුදා පෙළපාලිය සඳහා මෙන්ම දෙවන ලෝක සංග්‍රාමයේ 80 වැනි සංවත්සරය සැමරීම වැනි වාර්ෂික කටයුතු කිහිපයකට සහභාගී වන බව සඳහන්.

පිළිකාවට ප්‍රතිකාර ලබන රාජකීය පවුලේ එකම සාමාජිකයා චාල්ස් රජු නොවන අතර ඔහුගේ ලේලිය වන කේට් මිඩ්ල්ටන් ද ඇයගේ සෞඛ්‍ය තත්ත්වය පිළිබඳ සති ගණනාවක් පුරා පැවති කතාබහකින් පසු පිළිකා රෝගයක් ඇති බවට හෙළි කර ගනු ලැබුවා.

තම සුරතලුන් දෙදෙනාගේ ප්‍රහාරයෙන් කාන්තාවක් මිය යයි

නැගෙනහිර ලන්ඩනයේ නිවසකදී ඇමෙරිකන් බුලි (XL Bully) වර්ගයේ දැවැන්ත සුනඛයන් දෙදෙනෙකුගේ ප්‍රහාරයක් හේතුවෙන් 50 හැවිරිදි කාන්තාවක් මිය ගොස් ඇති බව පොලිසිය තහවුරු කර තිබෙනවා.

Read More »

ඔස්ට්‍රේලියානුවන් වැඩි වශයෙන් භාවිතා කරන භාෂා ගැන අලුත් අනාවරණයක්

සෑම ඕස්ට්‍රේලියානුවන් පස් දෙනෙකුගෙන් එක් අයෙක් නිවසේ දී ඉංග්‍රීසි භාෂාව හැර වෙනත් භාෂා භාවිත කරන බව නවතම අධ්‍යයනයක දී හෙළිව තිබෙනවා.

Read More »

වික්ටෝරියා ප්‍රාන්තයේ ප්‍රධාන පාසලක සිසුන්ට ජල බෝතල් තහනම් වෙයි

වික්ටෝරියා ප්‍රාන්තයේ ජනප්‍රිය පෞද්ගලික පාසලක ඇතැම් සිසුන් සඳහා පන්ති කාමරය තුළ ජල බෝතල් තහනම් කර ඇතැයි වාර්තා වනවා.

Read More »

මෙල්බන්හි මාර්ගයක ඇවිද යමින් සිටි කාන්තාවකට පිහි ප්‍රහාරයක්

අද උදෑසන මෙල්බර්න් නගරයේ කාර්යබහුල නගර අභ්‍යන්තර මාර්ගයකදී කාන්තාවකට නාඳුනන පුද්ගලයෙකු විසින් පිහියෙන් ඇනීමේ සිදුවීමක් පිළිබඳ පොලිස් පරීක්ෂණ ආරම්භ වී තිබෙනවා.

Read More »

ඔස්ට්‍රේලියාවේ ප්‍රධාන සමාගමක රැකියා දහස් ගණනක කප්පාදුවක්

ටෙල්ස්ට්‍රා (Telstra) සමාගම ප්‍රතිව්‍යුහ ගත කිරීමේ කොටසක් ලෙස එහි ශ්‍රම බලකායෙන් සියයට 9කට සමාන රැකියා 2800ක් දක්වා කපා හැරීමට සැලසුම් කර තිබෙනවා.

Read More »