නිවාඩු කාලය තුළ සේවකයන්ට බලපෑම් කළොත් ඔස්ට්‍රේලියාවේ ආයතන ප්‍රධානීන්ට දඩ

ඔස්ට්‍රේලියාවේ රැකියාවල නිරත සේවකයින්ගෙන් සියයට 64කට පමණ ප්‍රමාණවත් නිවාඩු සහ දීමනාවක් නොලැබෙන බව පර්යේෂණ මගින් අනාවරණ වී තිබෙනවා.

රැකියා කරන ඔස්ට්‍රේලියානුවන්ගෙන් අඩකට ආසන්න ප්‍රමාණයක් තම නිවාඩු කාලය තුළ ද රැකියාවට අදාළ ඊමේල් පණිවුඩ පරීක්ෂා කර ආතතියෙන් පෙලෙන බවයි පර්යේෂණයෙන් සොයාගෙන ඇත්තේ.

ඔස්ට්‍රේලියානු වෘත්තිකයින්ගෙන් අඩක් පමණ නිවාඩුවක් ගත කරන විට, නිතිපතා හෝ ඉඳහිට ඔවුන්ගේ රැකියා විද්‍යුත් තැපෑල පරීක්ෂා කිරීම ඇතුළුව වැඩ කටයුතුවල නිරත වන බව සේවකයින් බඳවා ගැනීමේ සමාගමක් වන රොබට් වෝල්ටර්ස් පවසනවා.

සේවකයින්ගෙන් සියයට 71ක පමණ බහුතරයකට වාර්ෂික නිවාඩුවෙන් පසු ප්‍රබෝධමත් බවක් නොදැනෙන අතර සියයට 64ක් පමණ තමන්ට ප්‍රමාණවත් නිවාඩු දීමනාවක් නොලැබෙන බවයි සඳහන් කර ඇත්තේ.

කම්කරුවන්ට සේවා වේලාවෙන් පිටත තම සේවා යෝජකයන්ගෙන් ලැබෙන ඇමතුම් සහ පණිවිඩ නොසලකා හැරීමේ අයිතිය ලබා දෙන නව නීති හඳුන්වා දීමට සූදානම් වීමත් සමග මෙම පර්යේෂණයේ තොරතුරු හෙළිවී තිබෙනවා.

ඒ අනුව සේවා කාලයෙන් පසු සේවකයෙකු එවැනි ඇමතුම් හෝ පණිවුඩ සම්බන්ධයෙන් කනස්සල්ලට පත්වුවහොත් ඔස්ට්‍රේලියාවේ සේවා යෝජකයෙකුට ඩොලර් 18,000 දක්වා දඩයකට ද මුහුණ දීමේ අවදානමක් පවතින බව සඳහන්.

ඔස්ට්‍රියාව, චිලී, ආර්ජන්ටිනාව, ඩෙන්මාර්කය, ජර්මනිය, ග්‍රීසිය, අයර්ලන්තය සහ ඉතාලිය ඇතුළු රටවල් කිහිපයක දැනටමත් මේ හා සමාන නීති ක්‍රියාත්මක වනවා.

ගුවන් යානයක් කැළඹීමකට හසුවීමෙන් මගියෙකු ජීවිතක්ෂයට

ලන්ඩනයේ සිට සිංගප්පූරුව බලා ගමන් කරමින් තිබූ ගුවන් යානයක් උඩු ගුවනේදී කැළඹීමකට හසුවීමෙන් එක් අයෙකු ජීවිතක්ෂයට පත්වී තිබෙනවා.

Read More »

තම සුරතලුන් දෙදෙනාගේ ප්‍රහාරයෙන් කාන්තාවක් මිය යයි

නැගෙනහිර ලන්ඩනයේ නිවසකදී ඇමෙරිකන් බුලි (XL Bully) වර්ගයේ දැවැන්ත සුනඛයන් දෙදෙනෙකුගේ ප්‍රහාරයක් හේතුවෙන් 50 හැවිරිදි කාන්තාවක් මිය ගොස් ඇති බව පොලිසිය තහවුරු කර තිබෙනවා.

Read More »

ඔස්ට්‍රේලියානුවන් වැඩි වශයෙන් භාවිතා කරන භාෂා ගැන අලුත් අනාවරණයක්

සෑම ඕස්ට්‍රේලියානුවන් පස් දෙනෙකුගෙන් එක් අයෙක් නිවසේ දී ඉංග්‍රීසි භාෂාව හැර වෙනත් භාෂා භාවිත කරන බව නවතම අධ්‍යයනයක දී හෙළිව තිබෙනවා.

Read More »

වික්ටෝරියා ප්‍රාන්තයේ ප්‍රධාන පාසලක සිසුන්ට ජල බෝතල් තහනම් වෙයි

වික්ටෝරියා ප්‍රාන්තයේ ජනප්‍රිය පෞද්ගලික පාසලක ඇතැම් සිසුන් සඳහා පන්ති කාමරය තුළ ජල බෝතල් තහනම් කර ඇතැයි වාර්තා වනවා.

Read More »

මෙල්බන්හි මාර්ගයක ඇවිද යමින් සිටි කාන්තාවකට පිහි ප්‍රහාරයක්

අද උදෑසන මෙල්බර්න් නගරයේ කාර්යබහුල නගර අභ්‍යන්තර මාර්ගයකදී කාන්තාවකට නාඳුනන පුද්ගලයෙකු විසින් පිහියෙන් ඇනීමේ සිදුවීමක් පිළිබඳ පොලිස් පරීක්ෂණ ආරම්භ වී තිබෙනවා.

Read More »