ඔස්ට්‍රේලියාවේ පුරප්පාඩු පිරවීමට ගුරු උපාධි අපේක්ෂකයින්ට ඩොලර් 40000ක ශිෂ්‍යත්ව

රට පුරා පවතින ගුරු පුරප්පාඩු පිරවීමේ අරමුණින් ගුරු උපාධි අපේක්ෂකයින් සදහා ඩොලර් 40000ක ශිෂ්‍යත්ව ලබා දීමට ෆෙඩරල් රජය පියවර ගෙන තිබෙනවා.

ඒ අනුව 2024 වසරේ දී අදාළ සුදුසුකම් සහිත අධ්‍යාපනවේදී උපාධි අපේක්ෂකයි 5000ක් හට ශිෂ්‍යත්ව හිමිවන අතර ඒ සදහා ඩොලර් මිලියන 160ක ප්‍රතිපාදන වෙන් වනු ඇති.

උපාධි අපේක්ෂකයින්ට ලබන සඳුදා දින සිට ශිෂ්‍යත්ව සඳහා අයදුම්පත් ඉදිරිපත් කිරීමේ හැකියාව පවතිනවා.

2023 වසරේ අධ්‍යාපනවේදී උපාධි පාඨමාලා සඳහා ඉල්ලූම් කර ඇති පිරිස සියයට 20කින් පහළ වැටී ඇති බවයි වාර්තා වන්නේ.

වසර 4ක උපාධි කාලසීමාව අවසන් වන තුරු අදාළ ප්‍රතිලාභ හිමිවන අතර වසර 4 අවසානයේ පශ්චාත් උපාධිය සඳහා ද ඩොලර් විසිදහසක ශිෂ්‍යත්වයක් හිමිකර ගැනීමට විද්‍යාර්ථයින්ට හැකියාව ලැබීම විශේෂත්වයක්.

මේ අතර ශිෂ්‍යත්වලාභීන් අවම වශයෙන් වසර 4ක් රජයේ පාසැල්වල හෝ පූර්ව ඉගෙනුම් මධ්‍යස්ථානවල සේවය සඳහා කැපවීම අනිවාර්ය වනවා.

අධ්‍යාපන අමාත්‍ය ජේසන් ක්ලෙයාර් අවධාරණය කළේ ගුරු හිඟය විසදීම සඳහා නව ශිෂ්‍යත්ව ක්‍රමය උපකාරී වන අතර ලොව පවතින උතුම්ම වෘත්තිය රැකගැනීම තම රජයේ අරමුණ බවයි.

ඔස්ට්‍රේලියාවේ ඉන්න ජාත්‍යන්තර සිසුන් සංඛ්‍යාව ගැන අලුත්ම අනාවරණයක්

මෙම වසරේ මාර්තු මාසය වන විට ඔස්ට්‍රේලියාවේ අධ්‍යාපනය හැදෑරීමට පැමිණි ජාත්‍යන්තර සිසුන් සංඛ්‍යාව 741,224 බව අධ්‍යාපන දෙපාර්තමේන්තුවේ නවතම වාර්තා මගින් අනාවරණ වී තිබෙනවා.

Read More »

ඔස්ට්‍රේලියානු දෙමාපියන්ගේ වැරදි වැඩක් ගැන සමීක්ෂණයක් තොරතුරු හෙළි කරයි

වෙනත් ඉහළ ආදායම් ලබන රටවල දෙමාපියන්ට සාපේක්ෂව ඔස්ට්‍රේලියානු දෙමාපියන් තම දරුවන්ට පහර දීම වැඩි බව නව අධ්‍යයනයකින් අනාවරණ වී තිබෙනවා.

Read More »

මදුරුවන්ගෙන් බෝවන රෝගයකට ඔස්ට්‍රේලියානු විද්‍යාඥයින් නව එන්නතක් සොයයි

මදුරුවන්ගෙන් බෝවන ජැපනීස් එන්සපලයිටීස් (Japanese encephalitis) වෛරසයට ප්‍රතික්‍රියා කිරීම සඳහා නව එන්නතක් අවශ්‍ය බව ඔස්ට්‍රේලියානු විද්‍යාඥයින් පිරිසක් පවසනවා.

Read More »

හිටපු ක්‍රිකට් ප්‍රවීණයාගේ නමට වෙන් වූ ක්‍රීඩාංගණයේ නම වෙනස් වෙයි

හිටපු ක්‍රිකට් ක්‍රීඩක මයිකල් ස්ලේටර්ගේ නමින් නම් කර ඇති Michael Slater Oval ක්‍රීඩාංගනයෙන් එම නම ඉවත් කිරීමට තීරණය කර තිබෙනවා.

Read More »