බොන්ඩායි ජන්ෂන් හි වෙස්ට්ෆීල්ඩ් වෙළඳ සංකීර්ණයේ ඛේදවාචකයෙන් බලපෑමට ලක් වූ කම්කරුවන් සහ ව්‍යාපාර සඳහා නිව් සවුත්වේල්ස් ප්‍රාන්ත රජය ආධාරක පැකේජයක් ප්‍රකාශයට පත් කර තිබෙනවා.
පසුගිය සති අන්තයේ සිදුවූ පිහි ඇනුමෙන් පසු ඊයේ වෙළඳසැල් විවෘත කිරීමෙන් අනතුරුවයි කාර්මික සබඳතා පිළිබඳ අමාත්‍යවරයා විසින් ප්‍රජාවට නැවත නැගී සිටීමට උපකාර කිරීමට සැලසුම් කර ඇති ක්‍රියාමාර්ග නිවේදනය කළේ.
ඒ යටතේ සෞඛ්‍ය සහ ආරක්ෂාව පිළිබඳ අමාත්‍යවරයාවිසින් සේවකයින් 200කට වඩා අඩු ව්‍යාපාර සඳහා මනෝවිද්‍යාත්මක සෞඛ්‍ය සහ ආරක්‍ෂිත සහය සඳහා වැඩසටහනක් හඳුන්වා දීමට නියමිතයි.
එමෙන්ම සාප්පු සංකීර්ණ සේවකයින් සිටින මානසික මට්ටම තේරුම් ගෙන ඔවුන්ට සංවේදී වන ලෙසටයි සාප්පු සවාරියේ පැමිණෙන්නන්ගෙන් ඉල්ලීමක් කෙරෙන්නේ.
සෑම කෙනෙකුම මෙම අවස්ථාවන්ට විවිධ ආකාරවලින් ප්‍රතිචාර දක්වන අතර ඇතැම් සේවකයන්ට නැවත රැකියාවට යාම දුෂ්කර විය හැකි බව ද බලධාරීන් පෙන්වා දෙනවා.
එමෙන්ම ඕනෑම වන්දි හිමිකමක් කඩිනමින් සහ අදාළ සිදුවීමට අනුව සංවේදීව ලබාදීම වෙනුවෙන් කටයුතු කිරීම සහතික කිරීම සඳහා ඇමතිවරයා ලබන සඳුදා ප්‍රධාන රක්ෂණකරුවන් හමුවී සාකච්ඡා කිරීමට ද නියමිතයි.
ව්‍යාපාරවලට බාධා සිදුවීම හමුවේ සේවකයෙකුට ඇති වන මානසික ගැටලු මෙන්ම රැකියාව අතර සිදු වූ තුවාලයක් හේතුවෙන් රක්‍ෂණ ඉල්ලීම් සිදු කළ හැකි අතර කම්කරුවන්ට කම්කරු වන්දි හිමිකම් ඉල්ලීම් කිරීමට ද හිමිකම් ඇති බව සඳහන්.
මානසික සෞඛ්‍ය උපදේශකයින් ද බොහෝ දුරට බොන්ඩායි ජන්ෂන්හි පුද්ගලිකව රැඳී සිටින අතර එය ජනතාවට අවශ්‍ය තාක් කල් දිගටම පවතිනු ඇති බවයි රජය සඳහන් කළේ.
මීට අමතරව සාප්පු මධ්‍යස්ථානයේ සියලුම කුලී වෙළඳුන්ගෙන් පසුගිය සතියේ කුලිය ලබා නොගැනීමට ද තීරණය කර ඇති බව ඊයේ නිවේදනය කෙරුණා.
