ඔස්ට්‍රේලියාව තුළ ශල්‍ය කර්ම සඳහා පොරොත්තු ලේඛනයේ රැඳී සිටීමේ කාලය දෙගුණයකින් ඉහළ ගොස් තිබෙනවා.
2003 වසර වන විට රෝගියෙකු සැත්කමක් සඳහා දින 21ක් රැඳී සිටීමට සිදුවූ අතර වර්තමානයේ අවම වශයෙන් දින49ක් රැඳී සිටීමට සිදුවනු ඇති බවටයි හෙළිවී ඇත්තේ.
ශල්‍යකර්මවල පසුබෑම විසඳීම සඳහා ජාතික සැලැස්මක් වෙනුවෙන් ඩොලර් බිලියන 4.12ක් ආයෝජනය කරන ලෙස ෆෙඩරල් රජයෙන් ඉල්ලීමක් ද කර ඇති බව සඳහන්.
ඔස්ට්‍රේලියානු ජනගහණයට සාපේක්ෂව රජයේ රෝහල් සදහා ඇතැම් අංශයන්හි ප්‍රමාණවත් පහසුකම් නොමැති බවට ද අධ්‍යනයේදී හඳුනා ගෙන තිබෙනවා.
එනම් ශල්‍යකර්ම සදහා අපේක්ෂාවෙන් සිටින රෝගීන්ට රෝහල් ඇඳන් නොමැතිකමද විශාල ගැටලුවක් වී ඇති බව සඳහන්.
පසුගිය වසරේ ෆෙඩරල් රජය විසින් රෝහල් අරමුදල් ගිවිසුමට සැලකිය යුතු අරමුදල් ඉහළ නැංවීමක් ප්‍රකාශයට පත් කළද එම සැළසුම් නිසියාකාරව ක්‍රියාත්මක වී නැහැ.
තවදුරටත් ප්‍රමාද නොකර එම ප්‍රතිපාදන සෞඛ්‍ය අංශ කෙරෙහි ලබා දෙන ලෙස සෞඛ්‍ය සංගම් ෆෙඩරල් රජයෙන් ඉල්ලා තිබෙනවා.
