ඉන්දුනීසියාවේ ගිනි කන්දක සක්‍රිය වීම නිසා සුනාමි අනතුරු ඇඟවීමක්

ඉන්දුනීසියාවේ ගිනි කන්දක විශාල පිපිරීම් කිහිපයක් ඇති වීමෙන් පසු සුනාමි අනතුරු ඇඟවීමක් නිකුත් කර තිබෙනවා.

ගිනි කන්ද අවට ප්‍රදේශයේ පදිංචිකරුවන් 11,000 කට වැඩි පිරිසකට වහාම ඉවත්වන ලෙසටයි බලධාරීන් දැනුම් දී ඇත්තේ.

ඉන්දුනීසියානු බලධාරීන් සුනාමි අනතුරු ඇඟවීමක් නිකුත් කළේ රුආන්ග් ගිනි කන්දේ පිපිරීම් හේතුවෙන් මීටර් දහස් ගණනක් උසට අළු නිකුත් වීමත් සමගයි.

සුලවේසි දූපතේ උතුරු ප්‍රදේශයේ පිහිටි ගිනිකන්දේ පසුගිය පැය 24 තුළ අවම වශයෙන් විශාල පිපිරීම් පහක් සිදුවූ බව ඉන්දුනීසියාවේ ගිනිකඳු හා භූ කම්පන ආපදා මධ්‍යස්ථානය පවසනවා.

බලධාරීන් ගිනිකඳු අනතුරු ඇඟවීම ඉහළම මට්ටමට ගෙන ගොස් ඇතැයි ද සඳහන්.

මිලියන 270ක ජනතාවකින් යුත් දූපත් සමූහයක් වන ඉන්දුනීසියාවේ සක්‍රීය ගිනි කඳු 120 ක් පවතින අතර ඒවා ගිනිකඳු සහ භූ කම්පන ක්‍රියාකාරකම්වලට නිරන්තරයෙන් ගොදුරු වනවා.

බලධාරීන් සංචාරකයින් සහ අනෙකුත් සියලු දෙනාගෙන් ඉල්ලා සිටියේ මීටර් 725ක් උසැති රූආන්ග් ගිනි කන්දේ සිට අවම වශයෙන් කිලෝමීටර් 6ක්වත් දුරකින් රැඳී සිටින ලෙසයි.

1871 වසරේදී මෙම ගිනි කන්ද පුපුරා ගිය ආකාරයෙන් එහි කොටසක් මුහුදට කඩා වැටී සුනාමියක් ඇති විය හැකි බවට නිලධාරීන් අනතුරු අඟවා තිබෙනවා.

ඉන්දුනීසියාවේ ජාතික ආපදා අවම කිරීමේ ඒජන්සිය පැවසුවේ ගිනි කන්ද ආසන්නයේ නිවැසියන් සුලවේසි දූපතේ ආසන්නතම නගරය වන මැනඩෝ වෙත පිටත් කර යවා ඇති බවයි.

2018 වසරේදී ඉන්දුනීසියාවේ අනක් ක්‍රකතෝවා ගිනි කන්ද පුපුරා යාමෙන් සුමාත්‍රා සහ ජාවා වෙරළ තීරයේ සුනාමියක් ඇති වූ අතර එම අනතුරින් පුද්ගලයන් 430 දෙනෙකු මරණයට පත්වුණා.

තරුණ පරම්පරාවේ සමාජ මාධ්‍යයේ බලපෑම් ගැන අනතුරු ඇඟවීමක්

නව යොවුන් වියේ දරුවන්ගේ මානසික යහපැවැත්ම සම්බන්ධයෙන් ක්වීන්ස්ලන්ඩ් ප්‍රාන්තයේ ප්‍රධාන සෞඛ්‍ය නිලධාරියා මහජන සෞඛ්‍ය අනතුරු ඇඟවීමක් ප්‍රකාශයට පත් කර තිබෙනවා.

Read More »

ඊශ්‍රායල සහ හමාස් නායකයන් අත්අඩංගුවට ගැනීමේ උත්සාහය ගැන අගමැතිගේ ප්‍රතිචාරය

ඊශ්‍රායල අගමැති සහ හමාස් නායකයින් අත්අඩංගුවට ගැනීමට වරෙන්තු නිකුත් කරන ලෙස ජාත්‍යන්තර අපරාධ අධිකරණයේ අභිචෝදකයාගේ ඉල්ලීම සම්බන්ධයෙන් අදහස් දැක්වීම අගමැති ඇන්තනි ඇල්බනීස් ප්‍රතික්ෂේප කර තිබෙනවා.

Read More »

සැත්කමකින් පසු මෙල්බන් කාන්තාවක් මියගිය සිද්ධියට තවත් වෛද්‍යවරුන් දෙදෙනෙකුගේ වැඩ තහනම්

ගබ්සාවකින් පසු මෙල්බර්න් කාන්තාවක් වන හර්ජිත් කෞර් මියයාමේ සිද්ධිය සම්බන්ධයෙන් පරීක්ෂණවලට අනුව තවත් වෛද්‍යවරුන් දෙදෙනෙකුගේ වැඩ තහනම් කර තිබෙනවා.

Read More »

ගුවන් යානයක් කැළඹීමකට හසුවීමෙන් මගියෙකු ජීවිතක්ෂයට

ලන්ඩනයේ සිට සිංගප්පූරුව බලා ගමන් කරමින් තිබූ ගුවන් යානයක් උඩු ගුවනේදී කැළඹීමකට හසුවීමෙන් එක් අයෙකු ජීවිතක්ෂයට පත්වී තිබෙනවා.

Read More »