පිහි ඇනුමෙන් පසු විවෘත වූ Westfield සාප්පු සංකීර්ණයේ වෙළඳසැල් හිමිකරුවන්ට සහනයක්

6 දෙනෙකුට ජීවිත අහිමි කළ පිහි ඇනුමෙන් පසු පළමු වරට සිඩ්නි බොන්ඩායි ජන්ෂන් හි වෙස්ට්ෆීල්ඩ් සාප්පු සංකීර්ණය අද පෙරවරු 11ට විවෘත කෙරුණා.

මියගිය සහ තුවාල ලැබුවන් සිහි කිරීමේ දිනයක් ලෙසට අද වෙළඳ සංකීර්ණය විවෘත කෙරුණ ද ගනුදෙනු කිසිවක් සිදු කෙරෙන්නේ නැහැ.

මේ අතර වෙස්ට්ෆීල්ඩ් සාප්පු සංකීර්ණ හිමිකරුවන් සඳහන් කළේ මෙම කණගාටුදායක සිදුවීම හේතුවෙන් පසුගිය 13 වනදා සිට හෙට දිනය දක්වා එහි වෙළඳ සැල් හිමියන්ගෙන් කුලී මුදල් අය නොකරන බවයි.

විපතට පත් වූවන්ගේ පවුල්වල සාමාජිකයන්ට සහ සාමාන්‍ය ජනතාවට මධ්‍යස්ථානය නැරඹීමට මෙන්ම මියගිය අයට ඔවුන්ගේ ගෞරවය දැක්වීමට අද අවස්ථාව ලබාදී තිබෙනවා.

පසුගිය සෙනසුරාද 40 හැවිරිදි ජොඑල් කවුචි නම් පුද්ගලයෙකු කළ පිහි ඇනුමෙන් කාන්තාවන් 5 දෙනෙකු ඇතුලු පුද්ගලයින් හය දෙනෙකු මිය ගිය අතර තවත් 12 දෙනෙකු රෝහල් ගත කෙරුණා.

වෙස්ට්ෆීල්ඩ් සාප්පු මධ්‍යස්ථානය වැඩි ආරක්‍ෂාවක් සහිතව හෙට සිට වෙළඳාම සඳහා නැවත ආරම්භ කිරීමට නියමිතයි.

පැපුවා නිව්ගිනි රාජ්‍යයේ නාය යාමෙන් මියගිය ගණන 2000 ඉක්මවන බවට තොරතුරු

පැපුවා නිව්ගිනි රාජ්‍යයේ කඳුකර ප්‍රදේශයක සිදු වූ නායයාමෙන් පුද්ගලයන් 2000ක් පමණ මියගොස් ඇතැයි සැක මතුවී තිබෙනවා.

Read More »

ශ්‍රී ලංකා රුපියලට සාපේක්ෂව ඇමරිකානු ඩොලරයේ වෙනසක්

පසුගිය සතියට සාපේක්ෂව අද ශ්‍රී ලංකාවේ වාණිජ බැංකුවල ඇමරිකා එක්සත් ජනපද ඩොලරයට සාපේක්ෂව රුපියල සුළු වශයෙන් අවප්‍රමාණය වී තිබෙනවා.

Read More »