යාචකයන් නිසා ජාත්‍යන්තර සමුලුවක් ශ්‍රී ලංකාවට අහිමි වෙයි

2025 වසරේ ශ්‍රී ලංකාවේ පැවැත්වීමට නියමිතව තිබූ මෝටර් රථ නිෂ්පාදකයන්ගේ සහ වෙළඳුන්ගේ සංගමයේ අන්තර්ජාතික වාර්ෂික සමුළුව එහි නොපැවැත්වීමට තීරණය කර තිබෙනවා.

ඒ, කොළඹ මාර්ග සංඥා අසළ යාචකයන්ගේ සිඟාකෑම් උවදුරක් ලෙස පැතිර තිබීම හේතුවෙන් බවයි වාර්තා වන්නේ.

රජයේ ප්‍රවෘත්ති දෙපාර්තමේන්තුවේ පැවැති මාධ්‍ය හමුවකට එක්වෙමින් ශ්‍රී ලංකා මෝටර් රථ සංගමයේ ලේකම් දේවප්‍රිය හෙට්ටිආරච්චි මේ බව අනාවරණ කර තිබෙනවා.

2015 වසරේදී ද කොළඹ පැවති අන්තර්ජාතික මෝටර් රථ සමුළුවට සම්බන්ධ ආසියා ශාන්තිකර කලාපීය රැස්වීමකට ශ්‍රී ලංකාව සත්කාරකත්වය ලබා දුන් බවයි ඔහු කියා සිටියේ.

ඊට නියෝජිතයන් 150 දෙනෙකු පමණ සහභාගී වූ බව සඳහන්.

අදාළ සමුළුව 2025 වසරේ දී ශ්‍රී ලංකාවේ පැවැත්වීම සඳහා වන ලංසුවක් රුවන්ඩාවේ පැවැති මහා සභා රැස්වීමේ දී ඉදිරිපත් කර තිබුණා.

කෙසේ වෙතත් කොළඹ නගර සීමාවේ මාර්ග සංඥා අසල සිටින යාචක උවදුර හේතුවෙන් මෝටර් රථ සමුළුව ශ්‍රී ලංකාවේ පැවැත්වීමට නොහැකි බවයි ඔවුන් දැනුම් දී ඇත්තේ.

නගර සීමාව තුළ සිටින යාචකයන්ගේ සිඟාකෑම මෙරට කීර්ති නාමයට කැළලක් බව ද ඔවුන් ප්‍රකාශ කර තිබෙනවා.

ඒ හේතුවෙන් 2025 දී ශ්‍රී ලංකාව මෝටර් රථ කර්මාන්තයේ රැස්වීමක් පැවැත්වීමට අදහස් කරන්නේ නම්, කොළඹ මෙම තත්ත්වය විසඳීමට පියවර ගතයුතු බව ඔවුන් දැනුම් දුන් බවයි දේවප්‍රිය හෙට්ටිආරච්චි කියා සිටියේ

එමෙන් ම රුවන්ඩාවේ පැවැති කලාපීය රැස්වීමට සහභාගී වූ නියෝජිතයන් කොළඹ නගර සීමාවේ මාර්ග සංඥා අසළ සිටින යාචකයන් දැක තිබෙනවා.

එය ඔවුන්ට කොළඹ විවිධ ස්ථානවලට ගමන්කිරීමේදී අප්‍රසන්න අත්දැකීමක් වූ බව සහ එමගින් සැළකිව යුතු වාහන තදබදයක් ඇති කළ බවයි ඔවුන් පෙන්වා දී ඇත්තේ.

ලොව ධනවතුන් අතර ඉහළින් ඉන්න ඉලෝන් මස්ක් ළගදීම ශ්‍රී ලංකාවට

ස්ටාර් ලින්ක් (Starlink) චන්ද්‍රිකා අන්තර්ජාල සේවාව ක්‍රියාත්මක කිරීම සඳහා මේ වසරේ ශ්‍රී ලංකාවට පැමිණෙන ලෙස ජනාධිපති රනිල් වික්‍රමසිංහ කළ ආරාධනය ඉලෝන් මස්ක් පිළිගෙන ඇති බව වාර්තා වනවා.

Read More »

පිහි අපරාධ මඩින්න ගේන්න හදන නව නීතිය

පිහි හෝ ලෝහමය තියුණු ආයුධ රැගෙන යන පුද්ගලයින් පරීක්ෂාකිරීමට අදාළව නව නීති සම්මත කර ගැනීමට ඔස්ට්‍රේලියාවේ ප්‍රාන්ත රජයන් කටයුතු සැලසුම් කරමින් ඇතැයි වාර්තා වනවා.

Read More »

තරුණ පරම්පරාවේ සමාජ මාධ්‍යයේ බලපෑම් ගැන අනතුරු ඇඟවීමක්

නව යොවුන් වියේ දරුවන්ගේ මානසික යහපැවැත්ම සම්බන්ධයෙන් ක්වීන්ස්ලන්ඩ් ප්‍රාන්තයේ ප්‍රධාන සෞඛ්‍ය නිලධාරියා මහජන සෞඛ්‍ය අනතුරු ඇඟවීමක් ප්‍රකාශයට පත් කර තිබෙනවා.

Read More »

ඊශ්‍රායල සහ හමාස් නායකයන් අත්අඩංගුවට ගැනීමේ උත්සාහය ගැන අගමැතිගේ ප්‍රතිචාරය

ඊශ්‍රායල අගමැති සහ හමාස් නායකයින් අත්අඩංගුවට ගැනීමට වරෙන්තු නිකුත් කරන ලෙස ජාත්‍යන්තර අපරාධ අධිකරණයේ අභිචෝදකයාගේ ඉල්ලීම සම්බන්ධයෙන් අදහස් දැක්වීම අගමැති ඇන්තනි ඇල්බනීස් ප්‍රතික්ෂේප කර තිබෙනවා.

Read More »

සැත්කමකින් පසු මෙල්බන් කාන්තාවක් මියගිය සිද්ධියට තවත් වෛද්‍යවරුන් දෙදෙනෙකුගේ වැඩ තහනම්

ගබ්සාවකින් පසු මෙල්බර්න් කාන්තාවක් වන හර්ජිත් කෞර් මියයාමේ සිද්ධිය සම්බන්ධයෙන් පරීක්ෂණවලට අනුව තවත් වෛද්‍යවරුන් දෙදෙනෙකුගේ වැඩ තහනම් කර තිබෙනවා.

Read More »