බාලි වෙත යන ඔස්ට්‍රේලියානුවන්ට ශ්‍රී ලංකාව ගැනත් සිහි කරමින් අනතුරු ඇඟවීමක්

සංචාරකයින් අතර ඩෙංගු උණ පැතිර යාමේ වර්ධනයක් පැවතීම හේතුවෙන් ඩෙංගු පිළිබඳ අවධානයෙන් පසුවන ලෙසට ඉන්දුනීසියාවේ බාලි වෙත යාමට සැලසුම් කර ඇති ඔස්ට්‍රේලියානුවන්ගෙන් සෞඛ්‍ය අංශ ඉල්ලීමක් කරනවා.

ඔස්ට්‍රේලියානු සෞඛ්‍ය බලධාරීන් පෙන්වා දෙන්නේ මෑත වසරවලදී බාලි සිට ආපසු පැමිණෙන පුද්ගලයින් තුල ඩෙංගු ආසාදනවල වැඩිවීමක් දක්නට ලැබෙන බවයි.

නොවැම්බර් සිට අප්‍රේල් දක්වා පවතින වැසි සමයේදී එම ප්‍රදේශයේ ඩෙංගු උණ බහුලව දක්නට ලැබෙන බව විදේශ කටයුතු දෙපාර්තමේන්තු ප්‍රකාශකයෙකු සඳහන් කළා.

ඩෙංගු රෝගය වැළැක්විය හැකි හොඳම ක්‍රමය මදුරුවන් දෂ්ට කිරීමෙන් වැළකී සිටීම බවයි ඔවුන් පෙන්වා දෙන්නේ.

ඔස්ට්‍රේලියානුවන් තම ඉන්දුනීසියා සංචාරය සැලසුම් කිරීමට පෙර බෝවන රෝග සහ ඩෙංගු පිළිබඳ උපදෙස් පිළිබඳ දැනුවත් වන ලෙසට රජය සියලුම සංචාරකයින්ගෙන් ඉල්ලා තිබෙනවා.

මදුරුවන්ගෙන් බෝවන ඩෙංගු වෛරසය ඉන්දුනීසියාව, බාලි, ජකර්තා සහ අනෙකුත් ප්‍රධාන නගරවල දක්නට ලැබෙන අතර මෙතෙක් කිසිදු මරණයක් වාර්තා වී නැහැ.

ඩෙංගු අසාධානයේදී හදිසි උණ, හිසරදය, ඔක්කාරය සහ වමනය, දරුණු උදර වේදනාව, වේගවත් හුස්ම ගැනීම සහ අනපේක්ෂිත රුධිර වහනය වැනි රෝග ලක්ෂණ ඇති විය හැකියි.

ඔස්ට්‍රේලියානු සෞඛ්‍ය බලධාරීන් සඳහන් කළේ බොහෝ ආසාදිතයන් සාමාන්‍යයෙන් සතියක් ඇතුළත සුවය ලැබුව ද ඇතැමුන්ට ඩෙංගු මාරාන්තික විය හැකි බවයි.

ඉන්දියාව, තායිලන්තය සහ ශ්‍රී ලංකාව මෙන්ම ඉන්දුනීසියාව ලෝකයේ වඩාත්ම ඩෙංගු උණ බහුල රටවල් 30 අතර සිටින බවයි ඔස්ට්‍රේලියා සෞඛ්‍ය අංශ තම පුරවැසියන්ට දැනුම්දී ඇත්තේ.

ඔස්ට්‍රේලියාවේ ඉන්න ජාත්‍යන්තර සිසුන් සංඛ්‍යාව ගැන අලුත්ම අනාවරණයක්

මෙම වසරේ මාර්තු මාසය වන විට ඔස්ට්‍රේලියාවේ අධ්‍යාපනය හැදෑරීමට පැමිණි ජාත්‍යන්තර සිසුන් සංඛ්‍යාව 741,224 බව අධ්‍යාපන දෙපාර්තමේන්තුවේ නවතම වාර්තා මගින් අනාවරණ වී තිබෙනවා.

Read More »

ඔස්ට්‍රේලියානු දෙමාපියන්ගේ වැරදි වැඩක් ගැන සමීක්ෂණයක් තොරතුරු හෙළි කරයි

වෙනත් ඉහළ ආදායම් ලබන රටවල දෙමාපියන්ට සාපේක්ෂව ඔස්ට්‍රේලියානු දෙමාපියන් තම දරුවන්ට පහර දීම වැඩි බව නව අධ්‍යයනයකින් අනාවරණ වී තිබෙනවා.

Read More »

මදුරුවන්ගෙන් බෝවන රෝගයකට ඔස්ට්‍රේලියානු විද්‍යාඥයින් නව එන්නතක් සොයයි

මදුරුවන්ගෙන් බෝවන ජැපනීස් එන්සපලයිටීස් (Japanese encephalitis) වෛරසයට ප්‍රතික්‍රියා කිරීම සඳහා නව එන්නතක් අවශ්‍ය බව ඔස්ට්‍රේලියානු විද්‍යාඥයින් පිරිසක් පවසනවා.

Read More »

හිටපු ක්‍රිකට් ප්‍රවීණයාගේ නමට වෙන් වූ ක්‍රීඩාංගණයේ නම වෙනස් වෙයි

හිටපු ක්‍රිකට් ක්‍රීඩක මයිකල් ස්ලේටර්ගේ නමින් නම් කර ඇති Michael Slater Oval ක්‍රීඩාංගනයෙන් එම නම ඉවත් කිරීමට තීරණය කර තිබෙනවා.

Read More »