නිව් සවුත්වේල්ස් ප්‍රාන්තයේ ඉඩමකින් අශ්ව මළ සිරුරු 500කට වැඩි ප්‍රමාණයක් සොයාගෙන තිබෙනවා.
අශ්වයන් මරා දමා ඔවුන්ගේ මළකඳන් වියළිමට දමා ඇති බවට ලැබී ඇති තොරතුර සම්බන්ධයෙන් නගර සභාව සහ ප්‍රාන්ත පොලිසිය විමර්ශනය කරන බව සඳහන්.
එම ස්ථානය පරීක්ෂා කිරීමෙන් පසු අශ්වයන් ඝාතනය දිගු කලක් තිස්සේ සිදුවෙමින් පවතින බව පැහැදිලි වූ බවයි නගර සභා ප්‍රකාශකයෙක් කියාසිටියේ.
ඉඩම පුරා ස්ථාන රැසකින් අශ්ව මළ සිරුරු රැසක් සොයාගෙන තිබෙනවා.
මෙම මළ සිරුරුවලින් ඇතැම් විට ඉතිරි වී ඇත්තේ අස්ථි කොටස් පමණක් වන අතර ඇතැම් සිරුරු සාපේක්ෂව මෑතකදී මරා දමන ලද සතුන්ගේ බවටයි පැවසෙන්නේ.
සිද්ධිය සම්බන්ධයෙන් සැකකරුවන් කිසිවෙකුත් අත්අඩංගුවට ගෙන නොමැති අතර විශේෂ විමර්ශනයක් ක්‍රියාත්මකයි.
