ඉන්ස්ටග්‍රෑම් සමාජ මාධ්‍යයේ වඩාත් ජනප්‍රිය පක්ෂියකු වූ මොලී යළිත් හිමිකරුවන් වෙත භාර දීමට අධිකරණය නියෝගයක් නිකුත් කර තිබෙනවා.
ඔස්ට්‍රේලියාවේ පරිසර විද්‍යා සහ නවෝත්පාදන දෙපාර්තමේන්තුව නිවේදනයක් නිකුත් කරමින් කියා සිටියේ බලධාරීන් විසින් විශේෂිත බලපත්‍රයක් අනුමත කර කොන්දේසි කිහිපයකට යටත්ව අදාළ පක්ෂියා ගෝල්ඩ් කෝස්ට් යුවළක් වන ජුලියට් වෙල්ස් සහ රීස් මෝර්ටෙන්සන් වෙත ආපසු භාරදුන් බවයි.
පරිසරවේදීන් විසින් ගොනුකළ නඩු ප්‍රකාරව මොලී නම් පක්ෂියා දින 45ක කාලයක් සඳහා සත්ව උද්‍යානයක් වෙත භාරදී තිබුණා.
1992 ස්වභාව සංරක්ෂණ පනතට සංශෝධන එක් කරමින් පක්ෂියා භාරකරුවන් වෙත ලබා දීමටයි පියවර ගෙන ඇත්තේ.
දේශීය වන සතුන් නිසි ලෙස රැකබලා ගැනීමට සහ වන සතුන් රැකබලා ගැනීම පුනරුත්ථාපනය කිරීමට අවශ්‍ය විශේෂඥ කුසලතා පිළිගැනීමට ජනතාව දිරිමත් කිරීමේ නව වැඩපිළිවෙලක් ආරම්භ කිරීමට ද පරිසරවේදීන් පියවර ගෙන තිබෙනවා.
මොලි යලිත් භාරකරුවන් වෙත ලබා දීම ගැන රසිකයින් සතුටට පත්ව ඇති බවයි සමාජ මාධ්‍ය සටහන් මගින් පෙන්නුම් කර ඇත්තේ.
ගෝල්ඩ් කෝස්ට් යුවළ මාධ්‍ය වෙත අදහස් දක්වමින් කියා සිටියේ පක්ෂියා තම නිවසේ ඇති කරන පෙගී නම් සුනඛයා සමග ඉතා ආදරයෙන් ආරක්ෂිතව වෙසෙන බවයි.
