දිනේෂ් චන්දිමාල් හදිසියේම තරගයෙන් ඉවත්වී ශ්‍රී ලංකාව බලා යයි

බංග්ලාදේශයට එරෙහි දෙවන ටෙස්ට් තරගය ක්‍රිඩා කරන අතර සංචාරක ශ්‍රී ලංකා කණ්ඩායමේ පිතිකරු දිනේෂ් චන්දිමාල් හදිසියේම ඉන් ඉවත්වි තිබෙනවා.

පවුලේ වෛද්‍ය හදිසි අවස්ථාවක් හේතුවෙන් වහාම ක්‍රියාත්මක වන පරිදි 2 වන ටෙස්ට් තරගයට ක්‍රීඩා කරන කණ්ඩායමෙන් දිනේෂ් චන්දිමාල් ඉවත් වී ඇති බවයි ශ්‍රී ලංකා ක්‍රිකට් ආයතනය නිවේදනය කළේ.

ඒ අනුව ඔහු වහාම නිවසට පැමිණෙනු ඇති බව සඳහන්.

ශ්‍රී ලංකා ක්‍රිකට් ආයතනය සිය නිවේදනය මගින් සඳහන් කර ඇත්තේ කණ්ඩායමේ සෙසු සාමාජිකයන් සහ සියලු කාර්ය මණ්ඩලය දිනේෂ් චන්දිමාල්ට මේ මොහොතේ අවශ්‍ය පූර්ණ සහයෝගය ලබා දෙන අතර ඔහුගේ සහ ඔහුගේ පවුලේ අයගේ පෞද්ගලිකත්වයට ගරු කරන මහජනතාවගෙන් ඉල්ලා සිටින බවයි.

ශ්‍රී ලංකාව සහ බංග්ලාදේශය අතර බංගලාදේශයේ චැටෝග්‍රෑම් හි පැවැත්වෙන 2 වන ටෙස්ට් ක්‍රිකට් තරඟයේ 4 වන දිනය අදයි.

අද දහවල් බංග්ලාදේශයට ලකුණු 511ක ඉලක්කයක් ලබා දෙමින් ශ්‍රී ලංකා කණ්ඩායම සිය දෙවැනි ඉනිම අත්හිටවනු ලැබුවේ කඩුලු 7ක් දැවී ලකුණු 157ක් ලබා සිටියදී යි.

ශ්‍රී ලංකා දෙවැනි ඉනිම වෙනුවෙන් ඇන්ජලෝ මැතිව්ස් ලකුණු 56ක් රැස් කළා.

තරගයේ පළමුව පන්දුවට පහරදුන් ශ්‍රී ලංකා කණ්ඩායම ලකුණු 531ක් ලබාගත් අතර බංග්ලාදේශ කණ්ඩායම සිය පළමු ඉනිම සඳහා රැස්කළේ ලකුණු 178ක් පමණයි.

ලොව බලවත්ම පුද්ගලයන් 100 අතරට ශ්‍රී ලාංකික කාන්තාවක්

ටයිම්ස් සඟරාව මගින් නම් කර ඇති ලෝක‍යේ බලවත්ම පුද්ගලයන් 100 දෙනා අතරට ශ්‍රී ලාංකික කාන්තාවක් වන රොසෑනා ෆ්ලේමර් කල්දේරා ද ඇතුළත්ව තිබෙනවා.

Read More »

මෙල්බන්වලදී පිළිකාවට ගොදුරු වූ ශ්‍රී ලාංකික වෛද්‍ය සිසුවිය ජනතාවගේ සහාය ඉල්ලයි

මහජන සෞඛ්‍ය පිළිබඳ පශ්චාත් උපාධියක් හැදෑරිමට මෙල්බන් වෙත පැමිණි ශ්‍රී ලාංකික වෛද්‍ය නිලධාරිනියක් වූ ඔෂිකා විජයගුණරත්න අවාසනාවන්ත ලෙස පිළිකාවකට ගොදුරු වී තිබෙනවා.

Read More »

උමා ඔය විවෘත කරන්න ඉරාන ජනපති අද ශ්‍රී ලංකාවට

උමා ඔය බහුකාර්ය සංවර්ධන ව්‍යාපෘතිය ජනතා අයිතියට පත් කිරීමේ අවස්ථාවට එක්වීම සඳහා ඉරාන ජනාධිපති ඊබ්‍රහිම් රයිසි අද ශ්‍රී ලංකාවේ නිල සංචාරයකට එක්වීමට නියමිතව තිබෙනවා.

Read More »

ඔස්ට්‍රේලියාවට එන සංක්‍රමණිකයන්ට රැකියා සොයා ගැනීම ගැන උපදෙස් මාලාවක්

ඔස්ට්‍රේලියාවට පැමිණෙන විදේශ සංක්‍රමණිකයින් සඳහා මෙරට රැකියා වෙළඳපල තුළ නව රැකියාවක් කඩිනමින් සොයා ගැනීම පිළිබඳ උපදෙස් මාලාවක් නිකුත් කර තිබෙනවා.

Read More »