පාස්කු නිවාඩුවට එළියට යන අයට Google Maps ගැන දැනුම්දීමක්

ක්වීන්ස්ලන්ඩ් ප්‍රාන්තයේ මෙන්ම ඉන් පිටත සංචාරය කරන විට Google මැප් මත පමණක් විශ්වාසය තබා කටයුතු නොකරන ලෙසට බලධාරීන් සංචාරකයින්ට දැනුම් දෙනවා.

Google Maps හි උපදෙස් අනුගමනය කිරීමෙන් පසු සංචාරකයින් අතරමං වන හෝ දුරස්ථ ප්‍රදේශවල සිරවී සිටින සංඛ්‍යාව පිළිබඳව ලැබෙන පැමිණිලි සැලකිල්ලට ගනිමිනුයි බලධාරීන් මෙම උපදෙස් ලබාදී ඇත්තේ.

මේ හේතුවෙන් මෙවර පාස්කු සති අන්තයේ සංචාරක සමය හේතුවෙන් පිටස්තර ප්‍රදේශවලට ගමන් කරන අත්දැකීම් අඩු ගවේෂකයන්ට සැලකිලිමත් වන ලෙසට දැනුම් දෙනවා.

ක්වීන්ස්ලන්ඩ් ප්‍රාන්තයේ බටහිර ප්‍රදේශයේ රාජ්‍ය හදිසි සේවා නිලධාරීන් ප්‍රකාශ කළේ තමන්ට ඇති විශාලතම ගැටලුව වන්නේ Google Maps යෙදුම් භාවිතා කරන විට ජනතාවට වැරදි මඟ පෙන්වීම් ලබාදී අතරමං වීම බවයි.

ජර්මානු සංචාරකයින් දෙදෙනෙකු ද පසුගිය පෙබරවාරි මාසයේදී කේප් යෝර්ක් ප්‍රදේශයේ වනාන්තරයක ඔවුන්ගේ මෝටර් රථය සමග සිරවී දින කිහිපයක් අතරමංව සිටියා.

Google Maps විසින් වැරදි ලෙස යොමු කරන ලද රියදුරන් යළි හරවා යැවීමට ප්‍රදේශවාසීන් ද සහයෝගය ලබා දී ඇති බවයි වාර්තා වන්නේ.

මේ හේතුවෙන් තම සංචාරය කලින් සැලසුම් කර ගමනාන්තයට ආරක්ෂිතව යාම සඳහා Google Maps මත පමණක් රඳා නොසිටින ලෙස පොලිසිය දැනුම් දෙනවා.

කළ යුතු හොඳම දේ හුදකලා ප්‍රදේශවලට යාමට පෙර හොඳින් දැනුවත් වී සංචාරය සැලසුම් කිරීම බවයි ඔවුන් පෙන්වා දෙන්නේ.

ඉරාන ප්‍රහාරයක අවදානමක් නිසා ඇමෙරිකා පුරවැසියන්ට දැනුම් දීමක්

ඉරානයෙන් ප්‍රහාරයක් එල්ල වනු ඇතැයි පවතින බිය හේතුවෙන් ඇමරිකා එක්සත් ජනපදය ඊශ්‍රායලයේ සිටින සිය සේවකයන්ට ගමන් බිමන් සීමා කරන ලෙසට උපදෙස් ලබාදී තිබෙනවා.

Read More »

ඔස්ට්‍රේලියාව සහ රටවල් රැසක ළමයින්ට මාරාන්තික විය හැකි රෝගයක් ව්‍යාප්ත වෙයි

ශ්වසන පද්ධතිය ආශ්‍රිතව බෝවන රෝගයක් වන කක්කල් කැස්ස යළි ඔස්ට්‍රේලියාව ඇතුලු ලොව පුරා රටවල් කිහිපයක ව්‍යාප්ත වෙමින් පවතින බව වාර්තා වනවා.

Read More »

මෙවර ඔලිම්පික් උළෙලේ සිට ජයග්‍රාහකයන්ට අලුත් ත්‍යාගයක්

එළැඹෙන ඔලිම්පික් උලෙළේ සිට ජවන හා පිටිය ක්‍රීඩා ඉසව්වලින් ජයග්‍රහණ ලබා ගන්නා ක්‍රීඩක ක්‍රීඩිකාවන්ට මුදල් ත්‍යාග පිරිනැමීමට ලෝක මලල ක්‍රීඩා සම්මේලනය තීරණය කර තිබෙනවා.

Read More »

ආර්ථික වර්ධනය ඉහළ නංවන සැලැස්ම අගමැති හෙළි කරයි

ප්‍රධාන කර්මාන්ත සඳහා ආධාර සපයමින් ඔස්ට්‍රේලියාවේ ආර්ථික වර්ධනය ඉහළ නැංවීමට සැලැස්මක් අග්‍රාමාත්‍ය ඇන්තනී ඇල්බනිස් හෙළි කර තිබෙනවා.

Read More »