බටහිර ඔස්ට්රේලියාවේ නව ගබ්සා නීති බලාත්මක කිරීමට පියවර ගෙන තිබෙනවා.
මෙම නව නීති බලාත්මක වී ඇත්තේ එම නීති ප්රකාශයට පත් කර මාස හයකට පමණ පසුව වීම විශේෂත්වයක්.
නොමේරු කළල ගබ්සා කිරීම සාපරාධී නොවන ක්රියාවක් බවට ප්රකාශ කර ඇති මෙම ක්රියාවලිය කාන්තාවන් සදහා යහපතක් වන බවයි පෙන්වා දී ඇත්තේ.
මීට පෙර ගබ්සා කිරීම් සඳහා සම්බන්ධ විය යුතුව සිටි සෞඛ්ය වෘත්තිකයන් සංඛ්යාව නව නීතියත් සමග දෙදෙනෙකුගේ සිට එක් අයෙකු දක්වා අඩු කර තිබෙනවා.
නව නීති බලාත්මකවීමත් සමග ගබ්සා කිරීම් සඳහා අමාත්ය අනුමැතිය තවදුරටත් අවශ්ය නොමැති බව වාර්තා වනවා.
එනම් සති 20ත් 23ත් අතර ගර්භනී කාලය තුළ ගබ්සා කිරීම් සඳහා කාන්තාවන්ට තවදුරටත් වෛද්ය මණ්ඩලයකින් විශේෂ අනුමැතිය ලබා ගැනිම අවශ්ය වන්නේ නැහැ.
මාධ්ය වෙත අදහස් දක්වමින් ප්රාන්ත සෞඛ්ය අමාත්ය ඇම්බර්-ජේඩ් සැන්ඩර්සන් සඳහන් කළේ ගබ්සාව නීතිගත කිරීම වැදගත් ප්රතිසංස්කරණයක් බවයි.