වික්ටෝරියාවලට නැවතත් කැසිනෝ එයි

කැසිනෝ සමාජ ශාලාවලට හිමි අයිතිවාසිකම් වැරදි ලෙස භාවිත කිරීමේ චෝදනාව මත වික්ටෝරියාහි පැවති එකම කැසිනෝ සමාජ ශාලාවට එරෙහිව තිබූ නීතිමය පියවර ලිහිල් කර තිබෙනවා.

වික්ටෝරියාහි කැසිනෝ පාලන කොමිෂන් සභාව විසින් මීට වසර දෙකකට පෙර ක්‍රවුන් කැසිනෝ සමාජ ශාලාවට එරෙහිව මෙලෙස සම්බාධක පැනවීමටයි පියවර ගෙන තිබුණේ.

ක්‍රවුන් කැසිනෝ සමාජ ශාලවට ලබා දුන් වසර 2ක පරිවාස කාලය තුළ එම රීති නිසි ලෙස පවත්වාගෙන යෑමත් සමඟ නැවත වරක් කැසිනෝ ශාලාව පවත්වාගෙන යාම සඳහා ක්‍රවුන් සමාගම සිය බලපත්‍රය ලබාගෙන ඇති බව සඳහන්.

ක්‍රවුන් කැසිනෝ ශාලාව මීට පෙර එහි වරප්‍රසාද අනිසි ලෙස භාවිතා කළ නමුත් එහි ක්‍රියාකාරකම් නැවත වරක් නිසි පරිදි නඩත්තු කරගත් ආකාරය මත එම බලපත්‍රය ලබාදීමට වික්ටෝරියාහි කැසිනෝ පාලන කොමිෂන් සභාව එකඟ වී තිබෙනවා.

මෙලෙස නැවත ලබා දුන් බලපත්‍රයේ නීති නිසි පරිදි අඛණ්ඩව පවත්වාගෙන යා යුතු බවයි එම කොමිසම දන්වා ඇත්තේ.

කැසිනෝ කර්මාන්තය තුළ පවතින වගකීම් වසර 5ක කාලසීමාවක් තුළ උල්ලංගණය කිරීමේ චෝදනාව හේතුවෙන් අදාළ කැසිනෝ ශාලාව වාරණය කර තිබු අතර වසර දෙකක අධීක්ෂණයෙන් පසු නැවත බලපත්‍ර ලබා ගැනීමට හැකිවීම කාගේත් අවදානයට ලක්ව තිබෙනවා.

ක්‍රවුන් කැසිනෝ ශාලාවේ සේවකයින්ගේ වැටුප් මෙන්ම විදේශීය පාරිභෝගිකයින්ගේ අයිතිවාසිකම් ආරක්ෂා කළ යුතු බවට ද කොමිසම විසින් එහි බලධාරීන්ට වැඩිදුරටත් දන්වා ඇති බව සඳහන්.

වික්ටෝරියා ප්‍රාන්තයේ Skilled Visa Migration Nomination වැඩසටහන අවසන්

වික්ටෝරියා ප්‍රාන්තයේ 2023-2024 මූල්‍ය වර්ෂය සඳහා නිපුණතා සංක්‍රමණ වීසා වැඩසටහනට (Skilled Visa Migration Nomination Program) ලියාපදිංචි වීමට ලබාදුන් කාල සීමාව අවසන් වී තිබෙනවා.

Read More »

ඔස්ට්‍රේලියාවේදී ඇගයීමට ලක්වූ ශ්‍රී ලාංකීය කිරිබත්

ඔස්ට්‍රේලියාවේ මාස්ටර් චෙෆ් තරඟාවලිය සඳහා ඉදිරිපත් වූ ශ්‍රී ලාංකික තරුණියක් පිළිබඳ මේ වන විට සමාජ මාධ්‍ය ඔස්සේ වැඩි අවධානයක් යොමුවී තිබෙනවා.

Read More »

නිවාඩු කාලය තුළ සේවකයන්ට බලපෑම් කළොත් ඔස්ට්‍රේලියාවේ ආයතන ප්‍රධානීන්ට දඩ

ඔස්ට්‍රේලියාවේ රැකියාවල නිරත සේවකයින්ගෙන් සියයට 64කට පමණ ප්‍රමාණවත් නිවාඩු සහ දීමනාවක් නොලැබෙන බව පර්යේෂණ මගින් අනාවරණ වී තිබෙනවා.

Read More »