ඔස්ට්‍රේලියාවේ වාහනවලට වෙන්න යන දේ

ඔස්ට්‍රේලියාවේ වාහන කාර්යක්ෂමතා ප්‍රමිතීන් පිළිබඳ සමාලෝචනයක් සිදු කිරීමට ෆෙඩර්ල් රජය පියවර ගෙන තිබෙනවා.

පවතින වාහන කාර්යක්ෂමතා ප්‍රමිතීන්ගේ දුර්වලතා පිළිබඳ හෙළි වීමත් සමග කාබන් විමෝචනය අවම පරිසරයක අවශ්‍යතාව දැඩිව මතුව ඇති බව සඳහන්.

2025 වසරේ ජූලි මාසය වන විට ඔස්ට්‍රේලියාව කාබන් විමෝචන අවම රටක් බවට පත්කිරීමේ වැඩපිළිවෙල සාර්ථක කිරීම මෙහි අරමුණයි.

මේ යටතේ මගී වාහන සඳහා දැඩි විමෝචන සීමාවන් පනවනු ඇති.

විශේෂයෙන් සියලු සැහැල්ලු වාණිජ වාහන සඳහා විමෝචන සීමාවන් ඉහළ දමන අතර මේ සම්බන්ධයෙන් වාහන නිෂ්පාදන සමාගම්වලින් යම් මතභේදාත්මක තත්වයක් ද මතුව තිබෙනවා.

ටොයොටා ඔස්ට්‍රේලියා සමාගමේ ප්‍රධාන විධායක නිලධාරී මැතිව් කලාචර් සඳහන් කළේ වාහන කාර්යක්ෂමතා ප්‍රමිතිය තවමත් සපුරාලීමට අපහසු බැවින් ඉදිරියේ දී ඒ සඳහා නිසි වැඩපිළිවෙලක් ආරම්භ කරන බවයි.

මෙම වාහන කාර්යක්ෂමතා ප්‍රමිතින් සාක්ෂාත් කර ගැනීම වාහන නිශ්පාදන සමාගම් වලට දැඩි අභියෝගයක් වන බව ද සඳහන්.

ඔස්ට්‍රේලියාවේ පමණක් නොව බොහෝ සංවර්ධිත රටවල්වලට වාහන කාර්යක්ෂමතා ප්‍රමිතින් සපුරාලිමට නොහැකි වී ඇති අතර පරිසර ආරක්ෂණය වෙනුවෙන් කාබන් විමෝචනය තුරන් කිරීමට අවශ්‍යතාව පිළිබඳ ගෝලීය මට්ටමින් ද අවධානය යොමුව තිබෙනවා.

වික්ටෝරියා ප්‍රාන්තයේ Skilled Visa Migration Nomination වැඩසටහන අවසන්

වික්ටෝරියා ප්‍රාන්තයේ 2023-2024 මූල්‍ය වර්ෂය සඳහා නිපුණතා සංක්‍රමණ වීසා වැඩසටහනට (Skilled Visa Migration Nomination Program) ලියාපදිංචි වීමට ලබාදුන් කාල සීමාව අවසන් වී තිබෙනවා.

Read More »

ඔස්ට්‍රේලියාවේදී ඇගයීමට ලක්වූ ශ්‍රී ලාංකීය කිරිබත්

ඔස්ට්‍රේලියාවේ මාස්ටර් චෙෆ් තරඟාවලිය සඳහා ඉදිරිපත් වූ ශ්‍රී ලාංකික තරුණියක් පිළිබඳ මේ වන විට සමාජ මාධ්‍ය ඔස්සේ වැඩි අවධානයක් යොමුවී තිබෙනවා.

Read More »

නිවාඩු කාලය තුළ සේවකයන්ට බලපෑම් කළොත් ඔස්ට්‍රේලියාවේ ආයතන ප්‍රධානීන්ට දඩ

ඔස්ට්‍රේලියාවේ රැකියාවල නිරත සේවකයින්ගෙන් සියයට 64කට පමණ ප්‍රමාණවත් නිවාඩු සහ දීමනාවක් නොලැබෙන බව පර්යේෂණ මගින් අනාවරණ වී තිබෙනවා.

Read More »