රුපියල් මිලියන 470ක් පමණ වටිනා නවීන තාක්ෂණයෙන් යුත් දැඩි සත්කාර ඒකක (ICU) ඇඳන් 157ක් කැනඩාවේ පදිංචි ශ්රී ලාංකික පවුලක් විසින් ශ්රී ලංකාවේ රෝහල් වෙත පරිත්යාග කර තිබෙනවා.
පසුගිය බ්රහස්පතින්දා දා එම ඇඳන් භාර දෙනු ලැබුවේ සෞඛ්ය අමාත්ය රමේෂ් පතිරණ වෙතයි.
මෙම පරිත්යාගය පිළිගනිමින් සෞඛ්ය අමාත්ය රමේෂ් පතිරණ කැනඩාවේ පදිංචිව සිටින පැට්රික් නිල්කමල් ප්රනාන්දුට සහ ඔහුගේ පවුලේ අයට සිය කෘතඥතාව පළ කළා.
කැනඩාවේ පදිංචි ශ්රී ලාංකික පවුල විසින් ලබා දුන් මෙම ඇඳන් සීදූව සුපුවත් අරණ හි අධ්යක්ෂ සහ නිර්මාතෘ ඩැරල් කූංහේ පියතුමන් විසින් සෞඛ්ය අමාත්යවරයා වෙත ලබා දී තිබෙනවා.
එකක් රුපියල් මිලියන 3ක පමණ වටිනාකමින් යුත් දැඩි සත්කාර ඒකකයේ ඇඳන් රජයේ රෝහල් 34කට බෙදා දීමට නියමිතයි.
මීගමුව, රාගම ශික්ෂණ රෝහල, හලාවත, පුත්තලම, සීදූව, ගම්පහ, යාපනය, මඩකලපුව, ත්රිකුණාමලය සහ කුරුණෑගල යන රෝහල්වල දැඩි සත්කාර ඒකකයන් වෙත ඇඳන් ලබා දීමට සැලසුම් කර තිබෙනවා.
