ඔස්ට්රේලියාව තුළ ජීවත්වන සංක්රමණිකයින් ඉහළ සුදුසුකම් තිබුණ ද අඩු වැටුප් සහිත රැකියාවල නිරතවන බව හඳුනාගෙන තිබෙනවා.
රට තුළ සිටින පුහුණු ශ්රමිකයින්ගෙන් වැඩි වශයෙන් ප්රයෝජන ගත යුතු බවයි ඔස්ට්රේලියානු ආර්ථික සංවර්ධන කමිටු වාර්තා පෙන්වා දෙන්නේ.
විදෙස් සංක්රමණිකයින්ගේ හැකියා සහ කුසලතා, පවතින ශ්රම හිඟය සඳහා යොදා ගැනීමට අවධානය යොමු කළ යුතු බව ද එම වාර්තා මගින් පෙන්වා දී තිබෙනවා.
කමිටුවෙහි ජ්යෙෂ්ඨ ආර්ථික විද්යාඥ ඇන්ඩෲ බාර්කර් පවසන්නේ මෑත කාලීන සංක්රමණිකයන් ඔස්ට්රේලියාවේ උපන් ශ්රමිකයන්ට වඩා සැලකිය යුතු ලෙස අඩු ආදායමක් උපයන බවයි.
බොහෝ දෙනෙක් ඔවුන්ගේ නිපුණතා මට්ටමට වඩා අඩු රැකියාවල නිරතව සිටින බවද සඳහන්.
දුර්වල ඉංග්රීසි කුසලතා සහ නිපුණතා හඳුනාගැනීමේ ඌනතාවය හේතුවෙන් සංක්රමණිකයින් මෙලෙස අඩු වැටුපට සේවය කරන බවයි වාර්තා වන්නේ.
සංක්රමණිකයින් බොහෝ දෙනෙක් තවමත් ඔවුන්ගේ අත්දැකීම් සහ දැනුම නිසි ලෙස ප්රයෝජනයට ගෙන නොමැති බව හෙළිව තිබෙනවා.
