බ්රිස්බේන් නගරයට උතුරින් පිහිටි මේරිබොරෝ හි බෲස් අධිවේගී මාර්ගයේ වාහන පහක් එකිනෙක ගැටීමෙන් සිදු වූ අනතුරකින් පුද්ගලයන් 3 දෙනෙකු ජිවිතක්ෂයට පත්වී තිබෙනවා.
ඊයේ රාත්රී 10 ට පමණ වෝකර් වීදිය මංසන්ධියේදී මෙම අනතුර සිදුවී ඇති බවයි වාර්තා වන්නේ.
අනතුරින් පුද්ගලයන් තිදෙනෙකු එම ස්ථානයේදීම මිය ගිය අතර තවත් තිදෙනෙකු සුළු තුවාල ලබා රෝහල් ගත කර තිබෙනවා.
අනතුරත් සමග වාහන දෙකක් ගිනිගෙන විනාශ වී ඇතැයි ද සඳහන්.
අනතුරට සම්බන්ධ තත්ත්වයන් පිළිබඳව පොලිසිය සිදු කරන විමර්ශන හේතුවෙන් බෲස් අධිවේගී මාර්ගය අද සවස 2 දක්වා වසා දැමීමට පියවර ගෙන තිබුණා.
පොලිසිය සඳහන් කළේ ලිතියම් බැටරි රැගත් ට්රක් රථ දෙකක් අනතුරත් සමග ගිනිගෙන පුපුරා ගිය බවයි.
ගින්න පාලනය කිරීමට ක්වීන්ස්ලන්ඩ් ප්රාන්තයේ ගිනි නිවන සහ හදිසි සේවා පියවර ගෙන තිබුණා.
