ක්‍රිකට් ක්‍රීඩක ලහිරු තිරිමාන්න රිය අනතුරකට ලක්වෙයි

ශ්‍රී ලංකා කණ්ඩායමේ හිටපු ක්‍රීඩකයෙකු වන ලහිරු තිරිමාන්න රිය අනතුරකින් තුවාල ලබා රෝහල් ගත කර තිබෙනවා.

ඔහු ගමන් ගත් මෝටර් රථය අනුරාධපුර තිරප්පනේ ප්‍රදේශයේදී ලොරියක මුහුණට මුහුණලා ගැටීමෙන් අද පෙරවරුවේ මෙම අනතුර සිදුවී ඇති බවයි පොලිසිය සඳහන් කළේ.

ලහිරු තිරිමාන්නට අමතරව මෝටර් රථයේ ගමන් කළ තවත් තුන්දෙනෙකු, ලොරියේ රියදුරා සහ එහි සිටි තවත් අයෙකු ද තුවාල ලබා ප්‍රතිකාර සඳහා රෝහලට ඇතුලත් කෙරුණා.

අනුරාධපුර – තිරප්පනේ මාර්ගයේ 117 කණුව ආසන්නයේදී ළහිරු තිරිමාන්න ගමන් ගත් මෝටර් රථය ඔහුට නින්දයෑමත් සමග ඉදිරියෙන් පැමිණි ලොරියක ගැටී ඇතැයි සඳහන්.

අද (14) උදෑසන 7.45ට පමණ සිදු වූ මෙම අනතුරින් තුවාල ලැබූ ලහිරු තිරිමාන්න, ඔහුගේ පවුලේ අය සහ ලොරි රථ රියදුරා ප්‍රතිකාර සඳහා ඇතුලත් කර ඇත්තේ අනුරාධපුර ශික්ෂණ රෝහලටයි.

ඒ අතර ලහිරු තිරිමාන්නගේ මව සහ රියැදුරා ද වන බව සඳහන්.

මෙම අනතුරින් තිරිමාන්න ගමන් ගත් මෝටර් රථයට සහ ලොරි රථයට ද දැඩි හානි සිදුවී ඇති බවයි වාර්තා වන්නේ.

මේ වනවිට අනුරාධපුර ශික්ෂණ රෝහලේ ප්‍රතිකාර ලබන ලහිරු තිරිමාන්නට බරපතල තුවාල සිදුව නොමැති බවයි රෝහල් ආරංචි මාර්ග සඳහන් කළේ.

ක්‍රිඩක ලහිරු තිරිමාන්න ඇතුළු පිරිස මහනුවර සිට අනුරාධපුරයට එමින් සිටියදි මෙලෙස අනතුරට ලක්ව ඇති බව මූලික විමර්ශනවලදී හෙළිවී තිබෙනවා.

සිද්ධිය සම්බන්ධයෙන් පොලිස් විමර්ශන ක්‍රියාත්මකයි.

රෝගී සැමියා අවසන් ගමන් යවන්න හැදූ බිරිඳට වැඩ වරදී

ඩිමෙන්ශියා රෝගයෙන් පෙළුණු තම සැමියා එන්නතක් ශරීර ගත කර ඝාතනයට තැත් කළ කාන්තාවක් පිළිබඳ පුවතක් බටහිර ඔස්ට්‍රේලියාවෙන් වාර්තා වනවා.

Read More »

තරුණයන්ට දුම් පානය කිරීමට නොහැකි වෙන නව නීතියක්

2009 වසරෙන් පසු උපත ලැබූ ඕනෑම අයෙකුට දුම්පානය තහනම් කිරීමට නීති සම්පාදනය කෙරෙන පනත් කෙටුම්පතට එක්සත් රාජධානියේ නීති සම්පාදකයින් සහාය දක්වා තිබෙනවා.

Read More »

අවුරුදු ගීතයක් විකෘති කළ රාජ්‍ය සේවකයෙක් අත්අඩංගුවට

ප්‍රවීණ ගායන ශිල්පී රෝහණ බැද්දගේ ශුරීන්ගේ අලුත් අවුරුදු ගීතයක් විකෘත කිරීමේ චෝදනා මත සුරාබදු නිලධාරියෙකු පොලිස් අත්අඩංගුවට ගෙන තිබෙනවා.

Read More »

තමාම නිර්මාණය කර ගත් සොහොන් බිමේ අවසන් ගමන් යන පාලිත තෙවරප්පෙරුම

අභාවප්‍රාප්ත හිටපු නියෝජ්‍ය අමාත්‍ය පාලිත තෙවරප්පෙරුමගේ දේහය පිළිබඳ අවසන් කටයුතු ලබන සෙනසුරාදා ඔහු විසින්ම නිර්මාණය කර ගත් සුසාන භූමියේදී සිදු කිරීමට නියමිත බව පවුලේ ඥාතීන් පවසනවා.

Read More »

කාන්තාවන්ගේ මූලික අවශ්‍යතාවයක් බදුවලින් නිදහස් කරන්නැයි ඉල්ලීම්

බ්‍රිතාන්‍ය කාන්තාවන්ගේ යට ඇඳුම් සහ සනීපාරක්ෂක තුවා සඳහා බදු මුදල් අය කිරීම සාධාරණ නොවන බවට සමාජ කතිකාවක් නිර්මාණය වී තිබෙනවා.

Read More »