ශ්‍රී ලංකා කණ්ඩායමේ ආරම්භක පිතිකරු පැතුම් නිස්සංක පෙබරවාරි මාසයේ ලොව හොඳම ක්‍රිකට් ක්‍රීඩකයා තේරීමේ නාම යෝජනා අතරට ඇතුලත් වී තිබෙනවා.
ජාත්‍යන්තර ක්‍රිකට් කවුන්සිලය විසිනුයි ලොව හොඳම ක්‍රිකට් ක්‍රීඩකයා තේරීම සඳහා මෙම සුපිරි ක්‍රීඩකයින් තිදෙනා තෝරාගෙන ඇත්තේ.
නවසීලන්ත කණ්ඩායමේ කේන් විලියම්සන් සහ ඉන්දියාවේ යශස්වි ජයිශ්වාල් සෙසු ක්‍රීඩකයන් දෙදෙනායි.
ඒ අතරින් හොඳම ක්‍රීඩකයා අන්තර්ජාලය හරහා පැවැත්වෙන ඡන්දයක් හරහා තෝරා ගැනෙනවා.
ඇෆ්ගනිස්තාන කණ්ඩායමට එරෙහිව පැවති එක්දින තරගාවලියේදී ලබාගත් ද්විත්ව ශතකය පැතුම් නිස්සංක මෙලෙස නම් කිරීමට හේතුවයි.
ඔහු ලබා ගත් ද්විත්ව ශතකය ශ්‍රී ලාංකික ක්‍රිකට් ක්‍රීඩකයෙකු විසින් එක්දින තරගයකදී රැස්කළ ප්‍රථම ද්විත්ව ශතකය ලෙසටයි සැලකෙන්නේ.
