කැනඩාවේදි මියගිය ශ්‍රී ලාංකිකයාගේ පවුලේ අයට සහාය වෙන්න ඔස්ට්‍රේලියාවේ ඔබටත් අවස්ථාව

කැනඩාවේදී මිය ගිය ශ්‍රී ලාංකිකයෙකු වූ පියුමාල්ගේ පවුලේ සාමාජිකයන් වෙනුවෙන් උපකාර කිරීම සදහා ඔස්ට්‍රේලියාව ප්‍රමුඛ ලෝකයේ වෙසෙන ශ්‍රී ලාංකිකයන් පිරිසක් එක් වී තිබෙනවා.

පියුමාල්ගේ බිරිඳ රසිකා ස්ටුඩන්ට් වීසා බලපත්‍රයක් ලබා ගැනීමත් සමඟ ඔවුන් පසුගිය 2023 වසරේ කැනඩාවේ වැන්කුවර් බලා පිටත්ව යන්නේ තම දරු තිදෙනාගේ ද සාර්ථකත්වයට මග පාදා ගැනීමේ අදිටනින්.

නමුත් අවාසනාවන්ත ලෙස පසුගිය ජනවාරි 30 වනදා පියුමාල්ට ඇතිවූ දරුණු හෘදයාබාධ තත්වයක් සමඟ ඔහුගේ ජීවිතය බේරා ගැනීම සඳහා බරපතල ශල්‍යකර්මයකට භාජනය කර තිබෙනවා.

සැත්කම්වලින් පසු කෝමා තත්වයට පත්ව සිටි මෙම ශ්‍රී ලාංකිකයා පසුගියදා ජීවිතක්ෂයට පත්වූ අතර ඔහුගේ බිරිඳ සහ දරුවන් වෙනුවෙන් අවශ්‍ය මුදල් සොයා ගැනීමටයි ඔස්ට්‍රේලියාවේ වෙසෙන ශ්‍රී ලාංකිකයින් පිරිස එක්වී ඇත්තේ.

මෙම හදිසි සිදුවීම ඔවුන්ගේ පවුලේ සිහින බිඳ දැමූ අතර බිරිඳ සහ දරුවන් පත්ව ඇත්තේ අවිනිශ්චිතතාවයකටයි.

තම දරුවන් රැකබලා ගැනීම සහ නිවසේ වගකීමට උරදී සිටින පියුමාල් බිරිඳ මේ වන විට විශාල අභියෝග රැසකට මුහුණ දී සිටිනවා.

මෙම දුෂ්කරතා හමුවේ පවුලට සැනසීමක් ලැබෙන්නේ ආදරණීයයන්, මිතුරන් සහ ප්‍රජාවගේ සහයෝගයෙන්.

මියගිය පියුමාල්ගේ දේහය පිළිබඳ අවසන් කටයුතු ඊයේ කැනඩාවේදී සිදු කෙරුණා.

දරුවන්ගේ සහ තම අධ්‍යයන කටයුතු හේතුවෙන් ඔහුගේ බිරිඳට ලබන සැප්තැම්බර් මාසය දක්වා කැනඩාවේ රැඳී සිටීමට සිදුවන අතර ඒ අතර කාලසිීමාව වෙනුවෙන් ඔවුන්ට සහාය දීම වෙනුවෙනුයි මෙලෙස අරමුදලක් පිහිටුවා ඇත්තේ.

පහත ලින්ක් එකට පිවිසීම මගින් ඔබට ද ඒ සඳහා දායකත්වයක් ලබාදිය හැකියි.

https://gofund.me/193f5182

NSW අයවැයෙන් ප්‍රාන්ත වැසියන්ට හිමි වන සහන මෙන්න

නිව් සවුත්වේල්ස් ප්‍රාන්තයේ අඩු ආදායම්ලාභී පවුල් ඒකක සඳහා ඩොලර් 350 දක්වා බලශක්ති සහන ලබා දීමට මෙවර ප්‍රාන්ත අයවැයෙන් තීරණය කර තිබෙනවා.

Read More »

වික්ටෝරියා ප්‍රාන්තයේ අපරාධ නතර කරන්න එන අලුත්ම නීතිය

වික්ටෝරියා ප්‍රාන්තයේ සිදු වන කිසියම් හෝ අපරාධයක වගකීම ගැනීමට හැකි වයස් සීමාව අවුරුදු 12 දක්වා ඉහළ නැංවීමට පියවර ගෙන තිබෙනවා.

Read More »

ඔස්ට්‍රේලියා ධවතුන් නිවාස හදන ප්‍රදේශ බදු කාර්යාල වාර්තා හෙළි කරයි

ඔස්ට්‍රේලියාවේ ධනවතුන් වැඩි වශයෙන් ජීවත් වන ප්‍රදේශවලට අයත් postcodes සම්බන්ධයෙන් නව වාර්තාවක් ඉදිරිපත් කර තිබෙනවා.

Read More »