බංග්ලාදේශයේ ඩකා නුවර මහල් 6කින් යුත් ගොඩනැගිල්ලක ඇති වූ ගින්නකින් පුද්ගලයන් 43 දෙනෙකු මියගොස් තවත් විශාල පිරිසක් තුවාල ලබා තිබෙනවා.
බංගලාදේශ ගිනි නිවීමේ ආයතනයේ ප්‍රධානියා පැවසුවේ ගින්න ගෑස් කාන්දුවකින් හෝ උඳුනකින් හටගන්නට ඇති බව ට සැක කෙරෙන අතර ආපන ශාලාවකින් ආරම්භ වූ ගින්න අනෙකුත් මහල්වලට පැතිර ගිය බවයි.
මේ වනවිට ගින්න පාලනය කර ඇති අතර 22 දෙනෙකු පිළිස්සුම් තුවාල සහිතව රෝහල්වල ප්‍රතිකාර ලබන බව
එරට සෞඛ්‍ය අමාත්‍යවරයා සඳහන් කර තිබෙනවා.
පිලිස්සුම් තුවාල සහිතව ඇතුළත් කළ පුද්ගලයන් 22 දෙනාම අසාධ්‍ය තත්ත්වයේ පසුවන බව සඳහන්.
බොහෝ විට නිසි ආරක්ෂක විධිවිධාන නොමැතිව ඉදිකරන ලද නව ගොඩනැගිලි හේතුවෙන් ජනාකීර්ණ ඩකා නුවර ගිනි ගැනීම් බහුලව දක්නට ලැබෙනවා.
දෝෂ සහිත ගෑස් සිලින්ඩර, වායු සමීකරණ සහ අවිධිමත් විදුලි රැහැන් හේතුවෙන් ද බංග්ලාදේශයේ ගිනි ගැනීම් හා පිපිරීම් සිදුවී ඇති බවටයි අනාවරණ වී ඇත්තේ.
