ශ්‍රී ලංකාවේ හිටපු මුදල් අමාත්‍යවරයෙකු වූ රොනී ද මෙල් අභාවප්‍රාප්ත වී තිබෙනවා.
මිය යන විට ඔහුගේ වයස අවුරුදු 99ක් බවයි පවුලේ ඥාතීන් සඳහන් කළේ.
අභාවප්‍රාප්ත හිටපු අමාත්‍යවරයාගේ දේහය සම්බන්ධයෙන් අවසන් කටයුතු පිළිබඳ පසුව දැනුම් දෙනු ඇති.
1977 වසරේ සිටි 1988 වසර දක්වා එක්සත් ජාතික පක්ෂ පාලන සමයේ මුදල් අමාත්‍ය ධුරය දැරූ ඔහු ශ්‍රී ලංකා පාර්ලිමේන්තු ඉතිහාසයේ අය වැය 11ක් ඉදිරිපත් කළ මුදල් අමාත්‍යවරයෙක් වනවා.
වැඩි ම වාර ගණනක් අයවැය ඉදිරිපත් කළ මුදල් අමාත්‍යවරුන් දෙදෙනෙක් වන අතර ඒ, රොනී ද මෙල් සහ මහින්ද රාජපක්ෂ යන දෙදෙනායි.
ඔවුන් දෙදෙනා ම අවස්ථා 11 බැගින් අයවැය ඉදිරිපත් කර තිබෙනවා.
