නිතර කෝපයෙන් ඉන්න අයට හෘදයාබාධ අවදානම වැඩි වෙයි

නිතර කෝපය වැඩිවීම තුළින් හෘදයාබාධ අවදානම වැඩි කරන බව නවතම අධ්‍යනයක දී හෙළිව තිබෙනවා.

නිරෝගී තරුණ වැඩිහිටියන් 280ක් සහභාගී කර ගෙන ඇමරිකානු හෘද සංගමයේ පර්යේෂණ කණ්ඩායමක් විසිනුයි මෙම අත් හදාබැලීම සිදු කර තිබුණේ.

මෙම පිරිස කොටස් 4කට අහඹු ලෙස වෙන් කර දුක, සතුට, කෝපය, කනස්සල්ල යන සාධක ඔස්සේ නිරීක්ෂණයට ලක් කර තිබෙනවා.

ඒම සිතුවිලි ඇති කිරීමට පෙර පරික්ෂණයට භාජනය වන පිරිසගේ රුධිර සාම්පල පරික්ෂා කිරීමටද පියවර ගෙන තිබුණා.

ඒ අනුව ඇමරිකානු හෘද සංගමය මගින් බදාදා ප්‍රකාශයට පත් කරන ලද සොයාගැනීම්වලින් පෙන්නුම් කර ඇත්තේ කෝපයට පත්වූවන්ගේ රුධිර වාහිනී ක්‍රියාකාරිත්වය අඩපණ කරන ආකාරය සහ හදවතට බලපෑම් ඇති කරන බවයි.

පර්‍යේෂණයට සහභාගි වූ අනෙක් කණ්ඩායම් හා සසඳන විට කෝපාවිෂ්ට කණ්ඩායමේ පුද්ගලයින් අතර රුධිර නාලවල විස්තාරණය කිරීමේ හැකියාව සැලකිය යුතු ලෙස අඩු වී ඇති බව සොයාගෙන තිබෙනවා.

රුධිර වාහිනී ප්‍රසාරණය වන ආකාරය දුර්වල වීම ධමනි ක්‍රියාකාරීත්වයට සෘජුව බලපෑම් කරන අතර ධමනි සිහින් වීම නිසා කිරීටක හෘද රෝග, හෘදයාබාධ, ආඝාතය සහ වකුගඩු ආබාධ ඇති විය හැකි බවයි පර්‍යේෂකයින් පෙන්වා දෙන්නේ

යෝග, ව්‍යායාම හෝ වෙනත් ස්ථාපිත ශිල්පීය ක්‍රම මගින් හෘද රෝග සහ කෝපයේ ගැටලු ඇති රෝගීන්ගේ කෝපය පාලනය කිරීමට මෙම අධ්‍යයනයේ ප්‍රතිඵල උපකාර විය හැකි බව හෘද රෝග විශේෂඥ වෛද්‍යවරයකු සහ වෛද්‍ය විද්‍යාව පිළිබඳ මහාචාර්යවරයකු වන ආචාර්ය හොලි මිඩ්ල්කාෆ් ප්‍රකාශ කළා.

LPL තරඟාවලියේ සන්නාම තානාපති ධුරය මයිකල් ක්ලාක්ට

2015 වසරේ ලෝක කුසලානය ජයග්‍රහණය කළ ඔස්ට්‍රේලියා කණ්ඩායමේ නායක මයිකල් ක්ලාක් ශ්‍රී ලංකා ප්‍රිමියර් ලීග් ( LPL 2024) තරගාවලියේ සන්නාම තානාපති ලෙස පත් කර තිබෙනවා.

Read More »

වික්ටෝරියා ප්‍රාන්තයේ ජාතික වනෝද්‍යාන පිහිටුවීමට එරෙහිව විරෝධතාවක්

වික්ටෝරියා ප්‍රාන්තයේ තවත් ජාතික වනෝද්‍යාන පිහිටුවීමේ සැලසුමට එරෙහිව විශාල පිරිසක් විරෝධතාවක් ආරම්භ කර තිබෙනවා.

Read More »

ප්‍රසාද දීමනාවක් ගැන පැතිර යන ව්‍යාජ පණිවුඩයක් ගැන දැනුම්දීමක්

ප්‍රසාද දීමනාවක් ලබා දෙන බව පවසමින් පැතිර යන ව්‍යාජ පණිවුඩයක් සම්බන්ධයෙන් සෙන්ටර්ලින්ක් (Centrelink) පාරිභෝගිකයින්ට හදිසි අනතුරු ඇඟවීමක් සිදු කර තිබෙනවා.

Read More »

පොදු ප්‍රවාහන ගාස්තු ශත 50 දක්වා අඩු වෙයි

රථ වාහන තදබදය සහ ජීවන වියදම් පීඩනය අඩු කිරීමේ උත්සාහයක් ලෙස ක්වීන්ස්ලන්ඩ් ප්‍රාන්තයේ පොදු ප්‍රවාහන ගාස්තු තාවකාලිකව අඩු කිරීමට පියවර ගෙන තිබෙනවා.

Read More »

මෙල්බන්හි පිහි ඇණුමකින් තරුණයන් දෙදෙනෙකුට බරපතල තුවාල

ඊයේ රාත්‍රියේ මෙල්බර්න් හි වයඹදිග ප්‍රදේශයේ ඇති වූ ගැටුමකදී පිහි ඇනුමකින් තුවාල ලැබූ තරුණයන් දෙදෙනෙකු රෝහල් ගත කර තිබෙනවා.

Read More »