T20 ක්රිකට් තරග ඉතිහාසයේ 100වන ජයග්රහණය වාර්තා කරන්නට සංචාරක ඔස්ට්රේලියා කණ්ඩායම සමත්ව වුණා.
ඒ නවසීලන්ත කණ්ඩායම සමග පැවති අවසන් T20 තරගය ඩක්වත් ලුවිස් න්යාය අනුව ලකුණු 27කින් ජය ගැනීමත් සමගයි.
මෙම ජයත් සමග සංචාරක ඔස්ට්රේලියා කණ්ඩායම මෙම තරගාවලිය ද 3ට බින්දුවක් ලෙසට ජයගනු ලැබුවා.
එමෙන්ම මෙම ජයග්රහණය ඔස්ට්රේලියාව අඛණ්ඩව ලැබූ 5 වනT 20 ජයග්රහණය ලෙසටයි වාර්තා අතරට එක් වන්නේ.
ඔක්ලන්ඩ්හිදි පැවති තරගයේ කාසියේ වාසිය දිනූ නවසීලන්තයේ ආරාධනය මත පළමුවෙන් පන්දුවට පහරදුන් ඔස්ට්රේලියාව වර්ෂාව හේතුවෙන් තරගය නතර කරන විට පන්දුවාර 10යි පන්දු 4ක් අවසානයේ කඩුලු 4ක් දැවී ලකුණු 118ක් ලබා සිටියා.
අයහපත් කාලගුණික තත්වය හමුවේ නවසීලන්තයට තරගය ජය ගැනීම සඳහා පන්දුවාර 10ක් තුළ ලකුණු 126ක් ලබා ගත යුතු බවටයි ඩක්වත් ලුවිස් න්යාය අනුව තීරණය කෙරුණේ.
ඒ අනුව පිටියට පිවිසි ඔවුන්ට පන්දුවාර 10 අවසානයේ කඩුලු 3ක් දැවි ලබා ගැනීමට හැකිවුයේ ලකුණු 98ක් පමණයි.
සංචාරක ඔස්ට්රේලියා කණ්ඩායම සහ නවසීලන්තය අතර තරග දෙකකින් සමන්විත ටෙස්ට් තරගාවලියේ පළමු තරගය ලබන 29 වනදා වෙලින්ටන්හිදී ආරම්භ වීමට නියමිතව තිබෙනවා.